بعد إصابته بكورونا... إدوارد: عشت أسوأ أيام حياتي

14 كانون الثاني 2022 | القاهرة – "لها"

إدوارد

منشور إدوارد

بعد أن أعلن الفنان إدوارد، عن إصابته بفيروس كورونا كشف من خلال حسابه الخاص على "فيسبوك" عن تطورات حالته الصحية.

وكتب إدوارد، منشوراً قال فيه: "أسوأ يوم عدى عليا في حياتي.. يارب أشفي كل مريض".

ونشر إدوارد منشوراً آخر كشف من خلاله عن أول ليلة له مع كورونا، قال: "هحكيلكو على أول ليلة مع الكورونا بما إنها أول مرة تجيلي وطلعت منها بإيه".

وتابع: "ليلة صعبة جداً، تعب في الجسم زي ما يكون حد بيعذبك ويدوس على كل حتة في جسمك وصداع نفسك يغمى عليك عشان تخلص منه، ورعشة فظيعة وطول الليل بقول يارب".

وأضاف: "موش هنكر في لحظة فكرت في الموت والناس اللي ماتت من الكورونا صدقوني ماخوفتش من الموت خوفت على مراتي وولادي وعيلتي وإنهم مسئولين مني ولازم أبقى موجود عشانهم ولازم أصلي لربنا عشان يقومني أكمل، وحسيت إني فقدت شغف كل متع الحياة موش عاوز حاجة عاوز أكون كويس عشانهم بس".

واستكمل إدوارد منشوره قائلاً: أنا من النوع اللي بحب الناس وبحب الحياة وبحب الاصحاب انبسط كتير أوي لما لقيت ناس كتير سألوا عليا أعرفهم وماعرفهمش وعاوزين يساعدوني في محنتي بأي شكل ومنهم فنانين كبار بجد وإعلاميين كبار بجد ربنا يباركلكم في صحتكم وعيليتكم".

وأضاف: "كمان اكتشقت قد إيه مراتي أنا غالي عندها موش همها كورونا ولا موش كورونا قاعدة جنبي تعملي كل حاجة تريحيني قد إيه إنتي ست عظيمة جالك كرونا ومقولتليش السنة اللي فاتت عشان كنت بشتغل وموش عاوزة تشغليني بيكي مكنتش عارف إنها صعبة للدرجة دي، بجد إنتي جبل إنك استحملتي وكنتي واقفة كمان تخدمينا وتشوفي طلباتنا أنا آسف إني محستش بيكي في الوقت ده أوعدك أقوم وأعوضك عن كل ده".

وأكمل إدوارد: "الحياة موش مستاهلة غير إنك تعيش مع ناس بتحبها وتحبك وتخاف عليك دي الخلاصة إني فقدت الشغف في متع الحياة عاوز أعيش مستور أنا وعيلتي ويكون حواليه ناس بحبها وبتحبني ونتمنى لبعض الخير وبس في ليلة واحدة الدنيا علمتني كتير ربنا يبعد عنكم أي حاجة وحشة".

يذكر أن إدوارد، شارك في السباق الرمضاني 2021، بمسلسل "كوفيد 25" مع يوسف الشريف وآيتن عامر وأحمد صلاح حسني تأليف إنجي علاء، وإخراج أحمد نادر، كما شارك بمسلسل "نسل الأغراب"، من بطولة النجمين أحمد السقا، وأمير كرارة، ومعهما مي عمر، محمد جمعة، فردوس عبد الحميد، منة فضالي، ملك أحمد زاهر، أحمد مالك.