هجوم على منة شلبي واتهامها بالعنصرية بسبب ممرضات والدتها... هذه التفاصيل

12 كانون الثاني 2022 | القاهرة – "لها"

منة شلبي

منشور ميار ضد منة شلبي

تعليق على منة شلبي

أخذت قضية اتهام منة شلبي لممرضتين بالإهمال الطبي لوالدتها أبعاداً جديدة، بعدما هاجمها عدد كبير من الممرضات متهمات إياها بالعنصرية حيث أطلقن هاشتاغات عدة على "فيسبوك" تتهمها بالعنصرية وإساءة معاملة الممرضات.

وطالبت الممرضات بتدخل نقابة التمريض لإنقاذ زميلتيهن وسط شهادات مختلفة حول معاملة منة شلبي ووالدتها لهما، حيث كتبت ممرضة تُدعى ميار منشوراً عبر "فيسبوك" أكدت فيه أنها عملت في وقت سابق بمنزل زيزي مصطفى ورعتها صحياً وتعرضت لمثل هذه الانتهاكات... قائلةً: "أنا مش قادرة أصدق كمية الظلم اللي بيتعرض ليه فئة التمريض، تخيل تبقى سايب أهلك وبيتك ومننا ولاده، وفجأة تتحط في مكتب أمن وبعدها تترحل على النيابة عشان أنت غلبان، الكلام دا عن لساني أنا وأنا اشتغلت مع منة شلبي... وعارفة طريقتها السادية، واللي بتعمله مع التمريض، وفي الآخر لمجرد لسعة غير مقصودة من قربة ماية حرارية هي اللي طلبت تتحط لمامتها، تحبس بنتين وتقعدهم في مكتب أمن كأنهم حرامية أو سرقوها، وأكتر من حد يحاول يتواصل مع الفنانة لأن الموضوع بسيط وغير مقصود بس بلاش النيابة، لكن هي بعد ما خلصت إهانة وسب وألفاظ وشتايم زي اللي دايماً بيحصل في بيتها وديتهم على القسم، وحالياً في النيابة بيتحقق معهم".

وأضافت: "أنا كنت شغّالة معاها أكتر من 3 شهور، وشفت منها معاملة سيئة وشتائم بألفاظ نابية، وكنا بنام على الأرض مفيش سرير لينا، ده غير الأكل السيئ اللي كان عبارة عن وجبة واحدة طيلة اليوم. أول لقاء كانت بتتكلم إن مامتها أهم حاجة في حياتها وهي مش عايزة حاجة مني غير أن مامتها تبقى كويسة، وأنا قولتلها ده حق مامتك علينا، لكن لما سافرت الجونة المعاملة كانت غير واكتشفت إنها بتنيّم التمريض على الأرض، إللي جالي أنا نفسي مرض جلدي بسببه، والأكل إللي ممكن بيوصل لوجبة واحدة في اليوم. ولما اشتكينا كان ردّها إن أنتم مش جايين تحققوا أحلامكم هنا عندي".

وعلّقت أخريات على أحد المنشورات بالقول إنهن بالفعل عملن لدى منة شلبي، حيث كشفت إحداهن: "الصراحة أنا كمان شوفتها صعبة جداً، وبردو كان موضوع أهبل وبهدلت التمريض بسبب كانيولا عشان إيد والدتها احمرت شوية مكانها وشتمت المستشفى ومشيت".