سمية الخشاب تكشف موقفها من الزواج مجدداً ونصائحها لندى الكامل قبل طلاقها من أحمد الفيشاوي

02 كانون الثاني 2022 | القاهرة - "لها"

سمية الخشاب

كشفت الفنانة سمية الخشاب أنها تعرفت بندى الكامل طليقة أحمد الفيشاوي قبل فترة، ويوجد بينهما أصدقاء مشتركون، والتقت بها مؤخرا في مهرجان الجونة.

وقالت،خلال حلولها ضيفة على برنامج "كلام الناس" المذاع عبر قناة MBC مصر،: "أنا في مرحلة معينة كنت خايفة عليها، شوفتها في الجونة وكان في مشاحنات خفيفة، أنا هديت الموقف لإن إحنا في مهرجان، بعدها قلتلها شوية نصايح، وأنا مبسوطة إنها سمعت نصايحي."

أكملت:" أنا مبسوطة إنها انفصلت بطريقة راقية، وكتبت بوست راقي وشيك جدا، إن في احترام متبادل وانفصال بشكل كويس، وإنها خدت حقوقها."

تابعت: "طبعا أتمنى لأحمد الفيشاوي كل التوفيق، وهو طيب ولطيف جدا، بس حلو لو الناس مش قادرين يكملوا مع بعض ينفصلوا بطريقة حلوة."

ورفضت سمية الخشاب إعطاء أعذار للزوج في الخيانة، قائلة: "مفيش حاجة اسمها تقصير من الزوجة فتخون، ومفيش حاجة اسمها نزوة، في حاجة اسمها ارتبطنا بالمعروف يبقى تسيبها بالمعروف، وفي حاجة اسمها عقل."

كما أكدت أنها لا تفكر في الزواج مجدداً، وقالت: "أنا في المرحلة دي مش محتاجة حد خالص، أنا رايقة جدا ومبسوطة ومش حاسة بوحدة، مش حاسة إني متضايقة ومستمتعة بحياتي."

أضافت: "أنا مركزة في شغلي، وعندي مليون ألف حاجة أعملها، والجواز هيعطلني، وأنا مش عايزة أتعطل دلوقتي."