ابنة عفاف راضي تتعرض للتحرش من عازف شهير... وهذه التفاصيل

تداول رواد مواقع التواصل الاجتماعي منشوراً منقولاً عن صفحة على "فيسبوك" تحمل اسم المطربة مي كمال، ابنة الفنانة عفاف راضي وتكشف من خلاله عن تعرضها للتحرش من عازف شهير في فرقة كبيرة.

وتضمن المنشور صوراً لحوار دار بين مي كمال والعازف عبر رسائل الفيسبوك تثبت تحرّشه بها لفظياً، في محاولة منها لتأكيد صحة الواقعة للجميع... وكتبت في المنشور: "الموضوع ده عن المتحرش فيليب أنور عازف الكيبورد في فرقة معروفة وهو بيعزف مع مغنين وفرق كتير ومنتشر جداً في الـscene". وأضافت: "أكتر حاجه مستفزاني أني لو كنت طلعت ووريت الـ screenshots دي للناس من ٣ سنين، يمكن مكنش كمّل يتحرش بالكم ده من البنات".

وأشارت مي كمال إلى أنها في البداية رفضت أن تتسبب في مشاكل لها ولزوجها، موضحةً: "بس حسيت أني أولاً مش عايزه أي حد مخه مريض يرمي عليا أنا اللوم إن أنا بتاعة مشاكل، وبرضو للأسف من كم الاعتذارات اللي قعد يعتذرهالي ساعتها أنا وجوزي صدقت إن دي أول مرة يتكلم كده، واستحرمت اسوّأ سمعته من موقف واحد ومحططلوش في دماغي ساعتها عنوان متحرش".

وأكملت حديثها موضحةً: "البني آدم ده تعريف المتحرش المستهتر الساذج لأن ده واحد دخل بيتي وقابل جوزي وعارف هو ممكن يشوف مننا عواقب شكلها إيه، ومع ذلك قرر يقول لي الكلام ده وفي chat... لكن في غيره مش أغبية كده وبيتحرشوا face to face وينكروا وده المخيف أكتر".

وفي ختام حديثها، قدّمت مي نصيحة الى الجميع، قائلةً: "يا ريت أي واحد يفكر ياخد السكة دي مع أي واحدة في الـmusic scene أو غيره يكون متأكد إن مفيش مساحة للسكوت عن القرف ده، وإن بسهولة جداً حياته الشخصية والمهنية وكل علاقاته جوة المجال وبرة المجال هتنتهي".

وكانت المغنية الشابة قد أحيت أخيراً حفلاً غنائياً على مسرح معهد الموسيقى العربية، بمشاركة والدتها وسط حضور جماهيري كثيف.

مقالات ذات صلة

بدرية طلبة تعلن وفاة زوجها

بدرية طلبة ترد على منتقدي إعلان ياسمين عبد العزيز

عفاف راضي مي كمال فيسبوك فيليب أنور