نجوم الفن والغناء يدعمون شيرين بحب بعد أزمة طلاقها: "أنت قوية"

12 كانون الأول 2021 | القاهرة - "لها"

شيرين وحسام حبيب

في سابقة من نوعها، اشتعلت صفحات الفنانين على مواقع التواصل الاجتماعي برسائل الدعم والتشجيع للفنانة شيرين عبد الوهاب بعد قرارها بالانفصال عن الفنان حسام حبيب، حيث حرص عدد كبير من النجوم على توجيه كلمات المساندة لها بعد ظهورها في حفلها الأخير وهي حليقة الشعر، مؤكدين ثقتهم في أنها قوية وتعود لجمهورها وفنها.

ووجهت النجمة سمية الخشاب رسالة لها عبر حسابها على "تويتر" وكتبت: "شيرين الإحساس والإبداع، كلنا بنحبك وبنعشق صوتك وإحساسك، يلا بقي عايزين أغاني تكسر الدنيا كالعادة".

وتابعت: "اللي فات مات بكرا أحلي وأجمل وأرجوكي بقى حبي نفسك وقدريها وخافي عليها ودلعيها لأنها تستحق".

وكتبت الفنانة كندة علوش على حسابها بـ"تويتر" قائلة: "أنت قمر بكل حالاتك.. وزادت حلاوتك وتعملي اللي يعجبك طالما مش بيضر حد وحشتينا وكلنا منتظرين جديدك والأهم.. تكوني مرتاحة وفرحانه".

فيما كتبت لها مي كساب: "يا شيرين قابلينك وفاهمينك واللي مش فاهم مش مهم يفهم مش مضطره تبرري بس ردي على التليفون عشان وحشتيني يا بنت عاوزه أسمع صوتك وبعدين شعرك بيطول بسرعة إحنا عارفين المهم إنك ارتاحتي يا أختي العزيزة".

ونشر الفنان أحمد فهمي صورة جديدة لشيرين وكتب لها "قمر". أما مصطفى درويش فأكد لها أن الجمهور يحبها وكل شيء تعاني منه الآن سيمر وينتهي.

وطلبت مروة ناجي من الجمهور أن يساندها ويقف بجانبها قائلة: "الجمهور المفروض لو لقى شيرين تعبانه يساندها ويقف جنبها مش يتريق عليها، شيرين دى اللي بصوتها وإحساسها فرحت كل بيت وواضح جداً إنها بتمر بتجربة صعبة، وهي دلوقتي محتاجة دعم كل الناس اللي بتحبها ونقولها بنحبك وبنموت فيكي يا شيرين، وانتي مازلتي وهتفضلي صوت مصر ومهما حصل هتفضلي بردو".

ونشرت أيضا الفنانة منة فضالي صورة لشيرين عبد الوهاب وكتبت لها: "انتي جميلة في كل حالاتك الصوت الأصيل المصري الجمال المصري كلنا بنحبك انتي شيرين عبد الوهاب".

فيما وجهت الإعلامية ريهام سعيد رسالة دعم لها قالت فيها: "أنتي عملتي كده لأن عندك اكتئاب أو هو عمل كده مش فارقة لأنه كان امبارح وعدى خلاص وكل جرح بيخلينا أقوى، اللي وصل لي قوتك كان ممكن تلبسي باروكة أنتي طلعتي غنيتي وبره مصر وقدرتي تبتسمي حتى لو مش ابتسامة حقيقية وقدرتي تغني وقدرتي تواجهي العالم كله، لأنك شيرين عبد الوهاب وأنتي أكتر واحدة عارفة مين شيرين عبد الوهاب عشان كده كنت دائما أدافع عنك سيدتي أحييكي علي قوتك اللي هي كل جمالك وعلى فكرة شكلك برضوا زي القمر بحبك".