بالفيديو - حمو بيكا: "لماذا يوقفونني عن الغناء وهناك أصوات سيئة تغني"

أثار قرار نقابة المهن الموسيقية بإيقاف 16 من مؤدي المهرجانات عن الغناء وسحب التصريحات منهم جميعاً موجة غضب بين هؤلاء المغنّين، حيث علّق حمو بيكا على قرار النقابة بمنعه من الغناء داخل مصر، بعد رسوبه للمرة الثانية في اختبار لجنة الاستماع، قائلاً خلال بث مباشر عبر حسابه الشخصي في "فيسبوك": "أولاً أنا بشكر نقابة المهن الموسيقية في مصر لها مني كل احترامي، أنا النهاردة طالع بتكلم وأنا فرحان وسعيد، لأني بسمع قرار إيقافي بقالي خمس سنين، أنا اتعملي محاضر وقضايا كتير أوي، لما أنت توقفني أنا مش بقف لوحدي أنا معايا ناس كتير فاتحة بيوتها".

وأضاف: "في ناس كتير لا تصلح للغناء ومعاهم كارنيه النقابة، وفي المجال مش عايز أقول أسامي عشان هما صحابي وأكلنا مع بعض عيش وملح، أنا بنزل أشتغل وبدفع تمن التصريح، تصريح الساحل كان بـ15 ألف جنيه، وكنت بدفع وأقول حاضر عشان عايز أكل عيش، أي مسؤول في مصر لازم يقف معانا ويدعمنا، الشباب اللي نزل عليهم قرار الإيقاف عددهم كبير وفي ناس بتاكل من وراهم عيش".

واختتم حمو بيكا بالقول: "سافرنا برة مصر وبيستقبلونا وبنعمل حفلات، لكن أنا عمري ما شوفت كده، مش بعد ما نخلي 100 مليون يسمعونا نوقف، إحنا ناخد رأي الجمهور، أي مسؤول في النقابة بنحترمكم وأستاذ هاني شاكر على دماغي ليكم كل التقدير والاحترام، اتكلمنا كتير وقولنا حد يقف معانا ومحدش وقف، بس في ربنا".

مقالات ذات صلة

خاص لها - إلهام شاهين تكشف سر خسارة وزنها ووجود قصة حبّ في حياتها

خاص لها - رانيا فريد شوقي تكشف سبب ابتعادها عن السينما

حمو بيكا نجوم الفن نقابة المهن الموسيقية