صديقة ياسمين صبري تكشف المستور وتهاجم والدها: "أنت مين وكنت فين؟"

فاجأت صديقة الفنانة ياسمين صبري، جمهور الأخيرة بهجومها الضاري على والد صديقتها الدكتور أشرف صبري، بعدما نشر مؤخراً صوراً تجمعه بابنته بغرض الهجوم عليها.

وكتبت صديقة ياسمين عبر حسابها الشخصي على "فيسبوك": "أنا حاسة بغضب شديد جداً عمري ما فكرت أرد ولا أتكلم لكن اللي بيحصل ده تهريج، ياسمين أشرف صبري صديقتي منذ الطفولة وحتى الآن، تربطني بيها علاقة صداقة وحب وتفاهم وإنسانية بلا حدود".

وأضافت: "اللي أبوها نشره يثير اشمئزازي لدرجة مقرفة حقيقي، أنت مين؟ أنت كنت فين؟ أنت جيبت عربية؟ هههههه، أنت صرفت عليها جنيه؟ أنت تعرف إيه عنها، أنت شوفتها بس في الكام صورة اللي أنت حاططهم فقط لا غير".

وتابعت: "أنت محضرتش معاها أي حاجة في حياتها ولا تعرف عنها أي حاجة، أنت سنين تختفي وتظهر يوم في نادي سبورتنج تاخذ صورة وتختفي، أنا عشت مع ياسمين في المدرسة وفي النادي طول طفولتي ما افتكرش إني شفت حد رباها ولا كان معاها غير كريمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس".

واستطردت: "طلعتها جدتها رياضية، طموحة، ربتها على القناعة، تيجي أنت دلوقتي بعد كل ده افتكرت أن ليك أولاد، لما بقت مشهورة، أخص وألف أخص، أنا قرفانة من الآباء اللي بالمنظر ده، أنا افتكر اللي كام مرة اللي شفتك فيهم كنت تشوفنا صدفة وتقعد تتريق علينا وأننا شباب ضايعين بس ربنا كبير، حسبى الله ونعم الوكيل".

مقالات ذات صلة

بالفيديو - سلمى أبو ضيف وأول رسالة لمولودتها المنتظَرة

أحمد سلامة يحكي موقفين إنسانيين لعادل إمام وليلى علوي

ياسمين صبري مشاهير الفن نجوم مصر