بالفيديو - بلاغ للنائب العام من "بلوغر" شهيرة ضد زوجها: "خطف ولادي"

في فيديو بث مباشر عبر حسابها الرسمي في موقع التواصل الاجتماعي "فيسبوك"، خرجت البلوغر الشهيرة إيفون نبيل لتكشف أسرار وتفاصيل أزمتها مع زوجها ومنعها من رؤية أولادها، وكتبت على الفيديو عنوان: "بلاغ للنائب العام... لأني مش عارفة إيه اللي هيحصل مع ولادي"، لتتحدث عن آخر التطورات في أزمتهما قائلةً: "اللايفات اللي ماحبش أعملها بقت كتير أوي، صدقوني كنت واخدة قرار، إلا لو حاجة تخص العيال، المشكلة ماكنتش أتخيل إنها بالسرعة ديه".

وروت إيفون نبيل في الفيديو قصة احتجاز زوجها لأطفالها ومنعها من رؤيتهم، إذ قالت وهي تبكي بحرقة: "بناشد أي حد له سلطة والنائب العام أنا خايفة عيالي يسافروا فجأة، وخايفة وعايزة أعمل منع لعيالي". وأضافت: "اللي حصل الفترة اللي فاتت، رجعت بيتي تاني أنا والعيال، والباص بتاع المدرسة بيجيلهم بدري، لحد ما جالي كورونا، زوجي طلب يشوف العيال، حسيت يومها بصداع وتكسير في الجسم وسخونة، كلّمته خلّي العيال معاك وتقريباً عندي كورونا، أهله ساكنين في نفس العمارة، ولما كشفت طلع عندي كورونا، وتاني يوم بيقولي كفاية بقى هاجي أقعد في البيت، ورفضت وقولتله في مشكلة مش هينفع أقعد معاك، وسبت البيت ومشيت بعد ما كلّمت أخويا، ومكنش عايزني أمشي، ومارضيش يخليني أخد باقي حاجاتي".

وتابعت: "بعد كورونا، كلّمته لأن العيال عندهم امتحانات وخفّيت، عايزة أرجع البيت، نزلّي العيال وحاجات المدرسة، قاللي ترجعي فين، الشقة، لا تقعدي في البيت إيه أنا قاعد في البيت، رفض آخد حاجاتي، وقاللي كفاية شنطة هدومك، روحي للقانون".

واختتمت إيفون نبيل حديثها بالقول: "قولتله عايزة العيال، راح مكلّم أخويا قاله أنا عامل محضر بحوزة العيال بناء على رغبة الأم، وأنا مامضيتش له على حاجة، وقاله لو عايزة تستلمهم تلجأ للقانون، إما عن طريق القسم أو تلجأ للنيابة".

مقالات ذات صلة

سوما تكشف عن أكثر مَن ساندها خلال مرضها

الإنفلونزا قد تسبّب جائحة جديدة في المستقبل!

فيس بوك ايفون نبيل كورونا