فنان شاب يدخل في مشادة كلامية مع بلوغر شهيرة بسبب محمود حميدة

07 تشرين الأول 2021 | القاهرة – "لها"

محمود الليثي

أثار الفنان الشاب محمود الليثي، جدلاً واسعاً على السوشيال ميديا، بعد مشادة كلامية حدثت بينه وبين إحدى شهيرات مواقع التواصل الاجتماعي بسبب كتابته منشوراً عبر حسابه في "فيسبوك"، قال فيه: "عشان لما نقول الأنفلونسر والبلوغر مش شغلانة تسمعوا الكلام"، وذلك بعد انقطاع مواقع التواصل الاجتماعي لمدة سبع ساعات أول أمس.

لتردّ عليه "بلوغر" شهيرة بكتابتها منشوراً عبر خاصية القصص القصيرة الملحقة بحسابها الرسمي في "إنستغرام"، قالت فيه: "معلش يا أستاذ محمود الفاضل وأنت كنت إيه لما طلعت واللي شهرك اليوتيوب وبعدها بقيت ممثل؟ وبعدين متنساش إن الممثلين دلوقتي لما بينطفوا مرة مبيرجعوش تاني وأنت شغلانتك إيه؟ مش قدام الكاميرا زينا ولا إيه؟ ولو الكهربا قطعت بتنطفوا أنتو كمان ولا إيه النظام؟".

وأضافت: "قالك أنفلونسر مش شغلانة ع الأقل إحنا لينا نفع عنكم والله... طب خلي ممثل كبير يتكلم طيب يا جدع مش كده... أنا قولت محمود حميدة بيتكلم مثلاً اتخضيت لما لقيته محمود الليثي".

ليعيد نشر منشورها عبر خاصية القصص المصوّرة الملحقة بحسابه الرسمي في "إنستغرام"، ويعلّق قائلاً: "بصي يا أستاذة ياللي مش عارفك أولاً أنا مغلطش فيكي لشخصك وأنت غلطي فيا... ثانياً أنا ليا أصحاب كتير أنفلونسر وأشهر منك بمراحل أخدوا الموضوع بهزار عادي دا لأن فعلاً دي مش شغلانتهم الأساسية... ثالثًاً لو أنت شايفة إن الممثل مش بينفع الناس وأنت بتنفعيهم فدا قلة فهم منك ودا مش هلومك عليه عشان دي حاجات مينفعش نشتريها... بنتولد بيها".

ويضيف: "رابعاً كونك تقولي دا مكنش معاه 10 جنيه يركب مترو وتتريقي على دا... فدا مصدر فخر ليا إني كنت أمل لشباب كتير إنهم يبدأوا من الصفر وينجحوا... ورحلة كفاح انبسط إن الناس تعرفها... خامساً الفن دا مهنة زيه زي الطب والهندسة، ولو حضرتك بتقرأي في التاريخ هتعرفي إنه موجود من يوم ما اتوجدت الحضارة وغير شعوب، عمل ثورات مش مرتبط بالكهرباء زي ما بتقولي. وأخيراً لو الأستاذ محمود حميدة شاف كلامك دا كان هيخليكي تعتذري للفن والفنانين كلهم اللي بتقللي من دورهم وكان هيفهمك إزاي تتكلمي بأسلوب راقي عن كدا".

وانهالت عليه التعليقات من جمهوره ومتابعيه، التي عبّرت عن احترامهم له بعد أن أعطاها درساً في الاحترام أمام الملايين على السوشيال ميديا.