بالفيديو - ميمي جمال تتمنى العودة الى التمثيل... وهكذا تقضي يومياتها

08 أيلول 2021 | القاهرة – "لها"

ميمي جمال وإسعاد يونس

رغم ابتعاد الفنانة ميمي جمال عن الساحة الفنية لفترة طويلة، لكن هذا لم يمنع حنينها للفن، وهو ما كشفت عنه، عندما حلت ضيفة ببرنامج "صاحبة السعادة" من تقديم الإعلامية إسعاد يونس، الذي يعرض على قناة DMC، وأكدت إنها تود الرجوع للفن من خلال أعمال تليق بمشوارها الفني، وتتناسب مع عمرها ومكانتها الفنية.

وأكملت: "عايزة أرجع للفن، والفلوس مش كل حاجة، ولكن يهمني طريقة التعامل معايا وأكون مرتاحة مع الإنتاج وأقدم أدوار جديدة تمتع الجمهور".

وحكت عن موقف حدث لها مؤخرًا مع أحد المنتجين والمخرجين، حيث اعتذرت عن المشاركة في أحد المسلسلات لعدم تقديرها من المنتج والمخرج.

وقالت: "جربت إن أنا اشتغل وبعتوا لي على مسلسل وقريته وقعدت مع المخرج ومش هقول هو مين واتكلمنا على الدور ولما اتكلمنا عن ظروف الحياة وكان المنتج اشتغلت معاه في مسلسلين من 6 سنين وأجري في المسلسلين كان أعلى من الأجر اللي كان عايز يديهولي دلوقتي فقولت له لازم يبقى فيه سواق وعربية وأنا هجيب كوافير وماكيير ولقيت ان التعامل مش هو اللي واخدة عليه".

وعن كيفية قضاء وقتها الآن قالت: "دلوقتي بفكر في حاجة تانية إني أشوف ولادي عاملين إيه ولما بطلع معاهم الساحل بحس بيهم قوي غير لما بكون في بيتي لأن نورا بنتي ليها بيت لوحدها ونجلاء بنتي ليها بيت لوحدها ولما بروح أقعد عندهم بقعد يوم أو اتنين وخلاص أرجع تاني وكل اللي بتمناه أشوفهم ناجحين وحياتهم كويسة".

وتابعت: "فكرت ولقيت إن كل أم في الدنيا ليها رسالة والرسالة بتاعتها لما بتكمل إنها تحس إن عيالها استريحت وحياتهم استقرت ولهم مشاريعهم وشغلهم وانفصلوا إلى حد ما عن العالم بتاعك ولقيت إني محتاجة أقعد مع زمايلي وأصحابي الناس اللي بنفهم بعض ونتكلم".