حسين فهمي يعلن دخوله عالم الـ"سوشيال ميديا" ويكشف السبب

أعلن الفنان المصري حسين فهمي دخوله عالم السوشيال ميديا من خلال تدشين صفحات خاصة به على كل المواقع، وذلك في فيديو نشره عبر صفحته الخاصة في موقع "إنستغرام"، وقال فيه: "مساء الخير وأهلاً بحضراتكم جميعاً أنا بسجل الفيديو دا لحضراتكم عشان أقولكم حاجتين مهمين أولاً أنا كنت طول عمري بعيد عن السوشيال ميديا وكنت بعتبر دا عالم افتراضي بعيد عننا وإنه عالم مش واقعي، لكن للأسف الشديد في الفترة الأخيرة اكتشفت إن فيه ناس كتير بتتكلم باسمي وبتقول معلومات غلط".

وتابع: "فيه معلومات كتير أوي مكتوبة عني غلط وفيه ناس بتستفيد من اسمي ولقيت أصدقاء ليا بتقول بعتنالك وأرسلنالك وتابعناك وإنت قولت ومقولتش، الحقيقة إن الحكاية زادت فأنا قررت إن يبقى ليا ويب سايت وإن أخشّ في السوشيال ميديا بكل ما فيها من حسنات وسيئات وأتقبّل مصيري وأستحمل ما دام فضلت فترة بعيدة فيُستحسن أقرب".

وأضاف: "أنا فعلاً مكنش ليا حساب وناس كتير استغلت اسمي فأنا النهاردة هيبقى عندي حساب وهقولكوا عليه علشان تتابعوني عليه وهو بيتوثق دلوقتي ومن فترة قريبة جداً هنبقى موجودين هتكلم معاكو في حاجات كتير أوي لأن عندي حاجات كتير أوي احكيها عندي ذكريات سواء في الفن أو التاريخ أو الفلسفة هنتكلم في أي حاجة عايزين تتكلموا فيها".

وبالفعل كشف الفنان حسين فهمى عن حساباته الخاصة على مواقع التواصل الاجتماعى، سواء الـ"ويب سايت" أو "إنستغرام" أو "التيك توك" أو "اليوتيوب".

مقالات ذات صلة

عمرو سعد يتحدّى: لا أحد يمكنه تقديم أدواري

مي عمر تكشف سبب غيابها عن مواقع التواصل الاجتماعي

حسين فهمي نجوم الفن عالم السوشيال ميديا