يسرا تتحدث عن عادل إمام ومحمود عبد العزيز وشريهان وعلاقتها بزوجها والحسد

22 تموز 2021 | القاهرة – "لها"

يسرا

حلّت النجمة يسرا ضيفةً على برنامج "مساء dmc" الذي يقدّمه الإعلامي رامي رضوان على شاشة "dmc "، وكشفت الكثير من أسرارها الفنية والشخصية، وتحدّثت علاقتها بالنجوم.

ووجّهت يسرا رسالة إلى "الزعيم" عادل إمام، جاء فيها: "بحبك من نن عين قلبي ووحشتني وواحشني الشغل معاك، ربنا يديك الصحة ويطولنا في عمرك وكل سنة وأنت طيب يا زعيم".

وقالت في رسالة للكاتب الراحل وحيد حامد: "وحشتني جداً جداً ووحشتني قعدتك وأيامك وفكرك وواحشني أشتكيلك وتطبطب عليا وتقولي ميهمكيش".

وأكدت يسرا أن الفنان محمود عبدالعزيز كان كوميدياناً رائعاً، وكانت قد التقت به لآخر مرة في مدينة باريس في فرنسا، أثناء رحلة علاجه، ورأت هناك أيضاً الفنانتين بوسي وإلهام شاهين، موضحةً: "بوسي قالتلي كان بينادي عليا طول الليل بس ملحقتش أشوفه وكان دايماً يناديني يقولي يا أوسا وأنا اسمي في شهادة الميلاد سيفين بس المعروف يسرا".

وعن علاقتها بزوجها خالد سليم، قالت يسرا: «ده هدية ربنا ليا وأكبر هدية في عمري وأحن واحد عليا ربنا يخلهولي ويبعد عننا العين وأنا بخاف جداً من الحسد وهو كمان، أنا أقنعته بصعوبة يطلع معايا في مسلسل "حرب أهيلة" وقولتله من فضلك وافق ده مشهد النهاية بس، أنا اتجوزت واطلّقت بعد ما حب عليا واحدة وقولت ده بقى هينصفني، وخالد جوزي أول من دخل الهوا في برامج هالة سرحان وكان دايماً ورا الكاميرا مخرج بس قولتله اطلع معايا أول الكاميرا مشهد خفيف».

وعن سبب عدم تقديمها للفوازير ورأيها في عودة شريهان، قالت يسرا: «عمري ما حسيت إني أعرف أعمل فوازير وهي اتعرضت عليا من زمان أوي، وأنا بحب أتفرج عليها بس محبّش أعملها، وأنا واحشني أشوف فوازير رمضان، وفرحانة بمسرحية شريهان الجديدة، فيه شغل حلو وكبير هي عاملاه»... وأضافت: «مفكرتش اعتزل بس في فيلم "ألف بوسة وبوسة"، حصلت مشاكل وأضربت علقة كبيرة أوي في البلاتوه من أبويا، بسبب بوسة، لأنه اتفق مع المخرج إن مفيش بوس، بس أبويا كلني علقة قدام الناس كلها وكانت المنتجة نجوى إبراهيم موجودة وقامت تحوش أبويا عني اللي ضربني ساعتين وفضلت أصوّت".