تسريبات: هذا أجر حلا شيحة عن فيلمها الذي تبرأت منه

18 تموز 2021 | القاهرة - "لها"

حلا شيحة

بعد الضجة الكبيرة التي أحدثتها حلا شيحة بإعلانها إنها تبرأت من فيلم "مش أنا" مع تامر حسني وهجومها على الأخير لطرحه كليب من الفيلم قالت أن به مشاهد تابت عنها طالبها البعض برد الأجر الذي تقاضته عن الفيلم طالما تراه حرام وتتبرأ منه.

وفي تسريبات حديثة كشف البعض أن حلا شيحة تقاضت ما يقرب من 4 ملايين جنيه مقابل دورها في العمل.

وكانت حلا قد أغلقت خاصية التعليقات في حسابها على "إنستغرام" بعد حالة الهجوم التي تعرضت لها سواء من الجمهور أو الفنانين.

يذكر أن حلا أثارت ضجة عندما هاجمت تامر حسني عبر حسابها على "إنستغرام"، قائلة: "انا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصاً بعد آخر بوست نزلته ووضحت فيه أنا إيه .. واتفاجئت أكتر خصوصا بعد وعد تامر حسني ليا وتأكيده أنه حيحترم رغبتي وبعض الطلبات اللي طلبتها منه بكل احترام وود الصيف اللي فات وأكد لي إنه حيحترم رغبتي".

وأضافت: "احنا يمكن نجحنا بمقاييس الدنيا بس صدقوني بمقاييس ربنا احنا لم ولن ننجح. أنا عارفة ومتاكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي". وأكملت : "دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وبننسى .. أنا مش حتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص إحنا أغلبنا ناسينها إلا القليلين منا".

وواصلت: "الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن .. احنا كلنا عندنا امتحان في الدنيا دي".

ونشرت حلا شيحة رابط لفيديو قديم لتامر حسني معلقة عليه: "وحابة أفكرك بالفيديو ده يا تامر اللي قلت فيه أنا مش بتمنى أموت وأنا مطرب أنا دايما خايف من كده.. كلام أكيد قولته في لحظة صدق جواك وجوانا كلنا شوفه تاني يمكن يفكرك ان جواك اكيد في صراع".