ميار الببلاوي تروي ما حدث معها في المستشفى: "كنت بموت"

كشفت الفنانة والإعلامية ميار الببلاوي تفاصيل الحادث الذي تعرّضت له وأدى إلى حدوث نزيف وكسر أربع أصابع في قدمها، قائلة: "كنت بموت".

ونشرت ميار على صفحتها الخاصة في "فيسبوك" مقطع فيديو لأصابع قدمها وقد ظهر فيها التهتّك بوضوح، وعلّقت عليه قائلةً: "آسفه لبشاعه المنظر وعارفة انكوا زهقتوا منى بس والله ما عارفة أقول إيه غير يارب الصبر من عندك بفتح ضرفة الدولاب الصبح وقعت على رجلي كسرتلي أربع صوابع وصابعي الكبير تهتك تماما وعملت عملية شالولي الضافر دي رجلى الشمال اليمين كسر مضاعف والصباع الكبير شكله صعب جداً بس الحمد لله متكسرش، ربنا عالم بيا الوجع بتاع شيل الضافر مع الكسر فوق احتمال البشر مكسوفة اقول ادعولى بس هطلب منكم الدعاء وأنا عارفة إنكم زهقتوا منى بس دا قضاء ربنا اللهم لا اعتراض.

وكشفت الببلاوي ما حدث معها في المستشفى من خلال تصريح صحافي قالت فيه: "حصل لي نزيف جامد جدًا، خصوصًا إني بآخد علاج سيولة عشان القلب، وده زود النزيف أكتر، وكنت لابسة بيجامة في البيت عادي، واضطريت إن ألبس إسدال وأنزل على المستشفى بسرعة".

وأضافت: "أول ما وصلت المستشفى، لاقيتني باتعامل عادي جدًا، رغم إني كنت بنزف، وقالوا استني طبيب الجراحة لسة هيجي بعد 5 ساعات خلعت الماسك اللي كنت لابساه، وقلت لهم أنا ميار الببلاوي هاتتعدلوا معايا ولا أعمل إيه؟".

واختتمت حديثها قائلةً: "الدكاترة كانت بتتعامل معايا عادي، وقالوا لازم نستنى دكتور الجراحة هيجي الساعة 4، وكنا وقتها الساعة 11 الضهر.. يعني لسه هستني 5 ساعات.. قلت لهم هاعمل لايف حالًا وأقول اللي بيحصل معايا.. ده أنا بموت. لاقيت الموضوع اختلف تمامًا وخدت بنج وعالجوني.. والدكتور اللي كان هايجي بعد 5 ساعات جه في خلال 10 دقايق.. معرفش ليه بيعملوا كده؟".

مقالات ذات صلة

غادة عبد الرازق تستعرض رشاقتها بفستان قصير

منة شلبي تحسم الجدل حول زواجها سرّاً

ميّار الببلاوي مشاهير الفن نجوم مصر