إشترك
حسام حبيب يفاجئ الجميع بفيديو مع شيرين ويكشف تفاصيل المؤامرة عليها: "التسجيل مش مفبرك"!
حسام حبيب وشيرين
فاجأ النجم حسام حبيب متابعيه بنشر مقطع فيديو "لايف" ظهر فيه وهو يحتضن زوجته النجمة شيرين عبد الوهاب مع ابنتها الصغيرة وقد بدت عليهم أمارات السعادة والراحة، ليروي بعدها تفاصيل أزمة التسريبات المسجّلة لوالده.
وظهر حسام في البداية وهو يحتضن زوجته وابنتها قائلاً: "إيه رأيكم فينا... بكرا هنجبلكم فيديو من المحكمة"، ومن بعدها طلب منهما المغادرة ليروي قصة التسجيلات الصوتية حيث قال بصراحة: "عمري ما عملت فيديو عن أي حاجة اتقالت عليا، لكن بعد ما اتفرجت على كام حاجة بسبب الأزمة الأخيرة بحب أشكر الناس اللي دافعت عننا، ودول طلعوا أشجع وأجدع من ناس تفتكرهم حبايبك وفي بينكم علاقات دم وعِشرة عمر".
وأضاف: "أنا عارف أقرب الناس ليا زاقين ناس على ناس، والناس دي مصلحتها أن شيرين تكون منتهكة ومش فاهمة حقوقها، بس على فكرة هي عندها شركة بتدير أعمالها والقائمين عليها ناس محترفة وأنا ما ليش علاقة بيهم، وشيرين أقدم مني وأنجح مني ومش محتاجة حد يقولها تعملي إيه ولا منتظرة أوامر من حد، وأنا لما تزوجتها كانت أشهر واحدة في الوطن العربي... هم بيعملوا الحاجات دي أملاً في أن تتأثر علاقتنا مع بعض أو تنتهي، لكن ربنا اختارنا لبعض وأنا بعرف ربنا كويس، وأنا مش هنكر صوته ولا مش صوته، وأنا اتأذيت من أقرب شخص لي، ودي مش أول مرة".
وتابع موضحاً: "أنا آسف بقول الشخص ده، وأنا مش هيخصني صوته ولا مش صوته، ودي مش أول مرة يأذيني، وحسبي الله ونعم الوكيل، وأنا لحد الآن بتعامل بمنتهى الأدب وده مش معناه ضعف، ولو الحاجات دي استمرت أنا هجيب حقي بالقانون مهما يكون درجة قرابته ليّ... اللي زق الناس دي وسجّل فعلياً من أقرب الناس ليا، والشخص ده عاوز يخرب بيوت وجاب سيرة أمي وهو منفصل عنها من 30 سنة، وده مش هقبله، أمي هي اللي ربتني وعلّمتني، ودائماً كانت تقولي اسأل على أبوك، لكن كدا كفاية".
واختتم حسام حبيب حديثه قائلاً: "ابعدوا عن شيرين وسيبوها في حالها ولبيتها وبناتها، وأحب أطمئن جمهورها هي بخير وهتكون قوية وحالياً بتحضّر حاجات فنية".
مقالات ذات صلة
الأكثر قراءة
المجلة الالكترونية
العدد 1077 | آب 2024
