بعد إعلانها عن إصابتها بـ"السكري"... ريهام سعيد: "دفعت الثمن غالي"

كشفت الإعلامية ريهام سعيد، خلال بث مباشر عبر حسابها الخاص في "فيسبوك" إصابتها بمرض السكري، حيث قالت: "كنت دايماً بتكلم عن الصحة وأقول إنها أهم حاجة، وطلع الصحة مربوطة بالحياة اللي أنت تختارها، طلعت تحاليلي مافيش أوحش من كده والحمدلله، وهو من التحاليل اللي ضايقتني أوي بخصوص السكر".

وأضافت: "أنا اكتشفت أن جالي سكر، ودي حاجة لا ألوم عليها حد غير نفسي، لأن أنا اللي حملت نفسي فوق طاقتي وكنت دايماً بقول إن ربنا مش بيدي حد حاجة غير على قد طاقته.. السكر للأسف حاجة بشعة ولازم تحارب وما تاكلش وما تزعلش ودي حاجة صعبة أوي وسط اللي بنعيشه حالياً، لأن إحساس الظلم أكتر حاجة بتوجع وبتضايق، وعايزة أنصحكم ما تجوش أبداً على نفسكم ومفيش حاجة مستاهلة لأن كله بتدابير ربنا، وأهم حاجة لو ليكم أعداء زي ما الرئيس قال: لما تكون عايز ترد على منتقديك ما تقعدش ترد على كل واحد".

واختتمت ريهام سعيد حديثها بالقول: "هي غلطتي أنا وأنا اللي دفعت تمنها غالي".

مقالات ذات صلة

عمرو سعد يتحدّى: لا أحد يمكنه تقديم أدواري

مي عمر تكشف سبب غيابها عن مواقع التواصل الاجتماعي

مرض السكري نجوم الفن فيسبوك