بالفيديو - منة فضالي تتقدّم ببلاغ بسبب التحرّش بها

نشرت الفنانة منة فضالي على صفحتها الشخصية في موقع التواصل الاجتماعى «إنستغرام» فيديو جديداً تؤكد فيه عزمها اللجوء إلى مباحث الإنترنت، بسبب التعليقات المسيئة التي تصلها من بعض المتابعين، وذلك عقب نشرها صورة جديدة ظهرت فيها في حمام السباحة وهي ترتدي مايوه كشف أجزاء من جسدها.

وقالت فضالي في الفيديو: «بقالي كتير مطلعتش لايف، ومبحبش أطلع إلا لو كان في حاجة ضرورية، طبعاً انتوا عارفين إننا كفنانين بنتعرض لحاجات مش لطيفة أبداً ومش محترمة خالص، سواء في التعليقات أو الرسائل، وهما بيفتكروا إن إحنا كفنانين مش بنتابع الكومنتات أو الرسائل، لكن أنا بتابع وبردّ على متابعيني لأن دا حقهم عليا».

وأضافت: «إحنا بنتعرّض لكلام مش لطيف مش محترم، بس دلوقتي كلكم بتسمعوا عن مباحث الإنترنت، وإن في زميلات لينا خدوا حقهم بالقانون، أنا بقول الكلام دا لأن بقالي فترة بتجيلي رسائل من ناس، مش عاوزة أغلط فيهم لكن أهلهم بيصعبوا عليا».

وتساءلت: «مش خايفين إنهم يتحطّوا في نفس الموقف، حد يغلط في والده أو والدته أو أخته، هل دا تفكير سليم أن أي حد يدخل يكتب كومنت سافل، أنت كدا استفدت إيه؟».

وأنهت منة فضالي الفيديو قائلة: «من هنا ورايح أي حد هيكتب كومنت أو هيبعت رسالة مش محترمة أنا هنزلهاله على البروفايل عندي وهبلّغ مباحث الإنترنت وهاخد حقي بالقانون. الموضوع دلوقتي زاد عن حده فعلاً».

مقالات ذات صلة

بلقيس فتحي تضجّ أنوثة بالأبيض الساحر

أنغام تكشف عمّا تخاف منه

منة فضالي نجوم الفن إنستغرام