أزمة جديدة في الوسط الغنائي بين تامر حسين وفنان شاب: "البجاحة تريند"

24 أيار 2021 | القاهرة - "لها"

تامر حسين

بدأت خلال الساعات القليلة الماضية بوادر أزمة بين المطرب شادي شامل والشاعر الغنائي تامر حسين على خلفية منشور كتبه شادي، بعدما حذف موقع الفيديوهات "يوتيوب" أغنيته الجديدة "يا معود قلبي"، وكتب: "تامر بيدعي إني ما دتوش فلوس الأغنية مع إنه عاملي تنازل من سنتين على الأغنية في المصنفات الفنية ومختوم بختم الجمهورية وواخد أجره المادي الكامل باعتراف منه ومعترف بذلك في التنازل، وقالي بعد ما عمل التنازل الأغنية ملكك يا شادي أنت تعبت وتستاهل".

وتابع "بيقول عليا حرامي وإني سارقته هو عامل التنازل بكامل إرادته وكلمني وبعتلي رسايل وهو في المصنفات الفنية عشان أبعتله صورة جواز سفري وعندي بالدليل برده حظه الوحش إن كل حاجة عندي متوثقة بالدليل وكان بيجيلي الاستوديو ويشهد على ذلك الموزع مهاب سامي وتامر كان في الاستوديو بيوجهني مع اني ملحن الأغنية بس ما حبتش أكسفه ورفع عليا قضية في المحكمه الاقتصادية بعد سنتين من التنازل ويطلب من المحكمة إلغاء التنازل والمحكمة إدته حكم بعدم الاختصاص وهذا هو قضاء مصر المحترم، ولم يصدر حكم رسمي بعدم نزول الأغنية ووقف الأغنية".

وردّ تامر على ما كتبه شادي وقال عبر حسابه على "فيسبوك": " الحقيقة إني والله ما بحب أرد على بوستات المشاكل دي تماماً وعلى عيني بس قدرنا والحمد لله وعندي صحة كلامي بمسجات وواتس أب وأساتذتنا في المصنفات الفنية الزملاء المحترمين وحاجات مايصحش تظهر في العلن ذوقياً وكرم أخلاق مني آه والله العظيم، ما خفى كان أعظم، بس حاكتفي بالرد على نقطتين محتاجين توضيح المُقابل المالي وعدم إقتناعي التام بالشخص كمطرب".

وتابع: "لإن واضح ان الناس مؤخراً فاهمة البجاحة تريند، أعمِل ايه عشان أكسب تعاطف الناس ؟؟؟ آه أقول دي كانت اغنيتي وكان حايدوها لمطرب كبير وكلمتين مؤثرين مُستقبلي وحرام فيتعاطف الناس اللي ماتعرفش الحقيقة والله يسامحه اللي بدعها".

وحكى تامر حسين في منشور طويل ما حدث بينهما قائلا: "الأخ كلمني في 2019 على كلام الأغنية اللي المفروض يغنيها (مُطرب) أو أي فنان له جماهيرية يضيف للعمل ويشهره يشهر لحن الأستاذ ويشهر كلامي ونستفاد كُلنا ان قُدر لها النجاح والجمهور حبها والحقيقة مش الأغنية دي تماما، قالي مراتي قررت تعملي الأغنية دي (للشاب خالد) وقالي أنه يغنيها الشاب خالد دويتو معاه قولتله أفيدلك تخلي الشاب خالد يغنيها لوحده لان صوتك جنبه حايبقى على قده وفر فلوسك".

وتابع: "فجأه بعد حماسه والشاب خالد وحلم الأحلام اللي عايز يأكده للمقربين منه إختفى لا جاب سيرة مقابل ولا خدت منه مليم والله العظيم وحياة أولادي ما خدت (منه مليم) وهيبقى عنده مليون طريقة إثبات رقم حساب بنكي أي إيصال تحويل مسج بيقولي بعتلك كذا أي أمارة حتى يقول للمدام ان فلوسها مارحتش في الهوا ويثبت صحة كلامه كل ده ماخدتش أصل التنازل فوجئت بمكتب المُصنفات وانا براجع معاهم ورق قالولى أنه جه يطلع أصل التنازل من الصورة عشان الأصل ضاع منه طب ده حضرتك تسميه ايه (سرقة والا نصب والا بجاحه والا هبل) إختاروا انتوا المُسمى المُناسب".

وأكمل: "اكتفيت اني أعمله بلوك لكل أرقامه وفضلِ من 2019 لـ 2021 لحد من 3 شهور بيوسط أي حد أعرفه وقريب مني انه بيعتذرلي وانه غلطان وعرف غلطته وقالهم خلوني أقابله وانا رافض رفض تام وزمايلنا اللي وسطهم يشهدوا فضِل ورايا قد ايه؟ يعتذر ويتأسِف لحد من 3 شهور كلمني من رقم غريب رديت قالي بالنص (والنبي ماتقفل السكة في وشي انا اسف) وغلط وعايزك تسامحني إتحرجت وقلت عفى الله عما سلف، بس لا تكلمني في فن ولا تبعتلي الحان والاغنيتين تلاته اللي عاملهم معاك انسى كلامهم قالي حاضر انا ماشفتش منك غير كل خير وحقك عليا يا أخويا وصفحة جديدة، قابلت صديق لينا مُشترك بيقولي لسه شايف فيديو اغنيتك مع الشخص ده قولتله لاء ده انا مش مديله تنازل بيها وكنت عامله محضر وبعتلي رسايل أرجوك انا صرفت اللي ورايا وقدامي عالفيديو خليك جدع معايا وسيبهالي أسيب اللي سرقني؟ ونصب وكدب ؟ واسيب لك ليه ؟ وانا مش مقتنع بيك كمطرب أنا فوق راسي أحلامك انت والمدام بس ماليش علاقة بيها نفذها بشرف مش على أكتاف ناس مُحترمة، راح صور الكليب دون علمي دون دفع مقابل مادي واستحل حقوقي وقال يعني بيحطني قدام الأمر الواقع وهو عارف اني والله لو كان دفعلي مال الدنيا ماكنت هشتغل معاه بعد الإنطباع السيء اللي سابهولي".