محمد رحيم يهاجم عمرو مصطفى بذكاء: "عايش في كذبة كبيرة"!

هاجم الفنان محمد رحيم، من خلال رسالة نشرها عبر صفحته في موقع التواصل الاجتماعي "فيسبوك"، الملحن عمرو مصطفى قال له فيها: "صديقي عمرو مصطفى شاهدت حلقتك في برنامج (العرافة) للإعلامية بسمة وهبة وكان ليا تعليق الحقيقة شوف يا عمرو أنا ميهمنيش أبداً إنك تبقى عايش في كدبة كبيرة ومصدقها لكن يهمني إنك متفرضش الكدبة دي على الناس وتحاول تقنع بيها بعض شرائح الجمهور البسيط اللى ميعرفش حاجات كتير عن أسرار وخبايا المهنة بتاعتنا البلد مليانة مبدعين وعلى أعلى مستوى من الموهبة والدراسة والإبداع وكل واحد ليه مدرسته وليه تجاربه اللى لازم تحترم".

وأضاف: "كل واحد شق طريقه بنفسه وبذل مجهود لا يستهان به فأنت مش من حقك تقلل من حد ولا تحط نفسك فوق حد ولا تغلط في حد من أبناء مهنتك المبدعين اللى كلهم ناجحين سواء مطربين أو ملحنين اشتغل وأنت ساكت والزم حدودك انت مش أكتر من ترس في عجلة جوة مصنع جوة مدينه جوة بلد كاملة أسمها بلد الإبداع والفن والحضارة وهوليوود الشرق (مصر)".

واختتم محمد رحيم رسالته بالقول: "أنا كل ما أبدأ معاك صفحة جديدة ترجع تخون الصداقة والعيش والملح وتفاجئني بما هو أفدح من كل مرة قبل كده كتير كنت بسكت وبقول مفيش داعي نكبر الموضوع المرادي أنت بجد زودتها أوي كفاية غلط في الناس كفاية سخرية من مجهود الناس كفاية تعدي على كل الناس اللي شقيت وحفرت في الصخر علشان تكون أساميها وأنا كنت أتمنى أن الرد ده اسمعه من السيد نقيب الموسيقيين الفنان هاني شاكر أو رئيس جمعية المؤلفين والملحنين د. مدحت العدل ولكن كلهم سمعوا إهانة الناس وسكتوا ورمضان كريم محمد رحيم".

مقالات ذات صلة

عمرو سعد يتحدّى: لا أحد يمكنه تقديم أدواري

مي عمر تكشف سبب غيابها عن مواقع التواصل الاجتماعي

عمرو مصطفى محمد رحيم مشاهير الفن نجوم مصر