بالفيديو - رسالة قاسية من عبد الباسط حمودة لمطربي المهرجانات

نشر المطرب الشعبي عبد الباسط حمودة على حسابه الخاص في "فيسبوك" مقطع فيديو وجّه من خلاله رسالة شديدة اللهجة الى كل مطربي المهرجانات وخصّ من بينهم عمر كمال وحمو بيكا، بشأن الخلاف الذي نشب أخيراً بينهما.

وقال عبد الباسط حمودة في الفيديو إن من العيب أن يفضح كل من حمو بيكا وعمر كمال زميله على الملأ، لأنهما بذلك يثيران سخرية الناس منهما، كما أنهما لا يغنيان من نوتة موسيقية على حد تعبيره وأضاف: "أصل أنتو بتعملوا إيه يعنى مبتغنوش من النوت، أنتو بتاكلوا عيش ربنا كارمكم وبتاكلوا عيش كملوا في اللي بتعملوه وداروا على شمعتكم، اسمعوا الكلام من أخ ليكم أو أب".

وذكر حمودة أن مطربي هذه الأيام لم يشاهدوا مطربي الزمن القديم، ولكنهم يفتحون موقع "يوتيوب" ويحفظون ما يسمعون ثم يردّدونه، فهم لا يقومون بأي شيء صعب أو مرهق، فقال: "كل واحد بيعمل حاجة وأنتو بتكملوا بعض، الناس بتضحك عليكم والله بلاش الفضايح دي، وأنت كسبت كذا وفلان كذا، هو أنتو شوفتوا مكسب زي اللي شوفناه، أحمد عدوية وكتكوت الأمير كانت الفلوس بتتكنس وراهم بمقشة".

وأضاف: "أنتو في بقكم معلقة دهب ما شقيتوش ولا اشتغلتوا في موالد، وأنت يا عمر يا كمال أول ما جيتلي عملت معاك فيديو عديت، ولا قولتلي سلام ولا قولتلي ألو، لا سؤالك يفيدني ولا كلامك يفيدني، لأن كل واحد معروف هو مين، لكن شاكوش كان بيكلمني من الإمارات كل يوم عايز إيه يابا وعايز إيه ياخال أجيبلك إيه، ومحمود الليثي ربنا يخلي له عياله في أي حتة بيوطي على إيدي يبوسها، شاكوش لحد الآن بيقولي أنا بقلدك يابا، أنت بقى يا عم عمر كمال قولي كده رفعت سماعة التليفون وقولت لي سلام عليكم؟ مش هيفيدني بس عموما خليكم مؤدبين واسمعوا الكلام إيه اللي بتقولوه على الهوا ده وعربيات إيه وكلام إيه، وملحن إيه اللي بيقول أنا ملحن ده دلوقتي الأغنية بتتلحن في دقيقتين".

واختتم حمودة بالقول: "حمو بيكا مبيغنيش بس ربنا كارمه، عاطي له الحتة اللي ياكل منها عيش، ماتسمعوش لحد لو مختلفين مع بعض يبقى كل واحد في حاله، وأنت ياعمر يا كمال خليتك عملت تريندات عدت الفلنكات وأنت في أول زيارة لبيتي بأغنية، هو أنتو كده قلة الأصل عندكو على الكيف، وعايز أقول لبيكا خليك في طريقك ومتديش ودنك لحد وركز في مصلحتك".

مقالات ذات صلة

انطلاق مهرجان الزهور والحدائق بينبع الصناعية قريباً

بالفيديو - عبد الباسط حمودة يفاجئ المذيعة بتصريحه عن عمرو دياب

مهرجانات عبد الباسط حمّودة