الرد الأول من ريهام سعيد بعد رفع الإيقاف عنها: "سامحوني ولن أغلط ثانية"

09 كانون الأول 2020 | القاهرة – "لها"

ريهام سعيد

بعد إصدار المجلس الأعلى للإعلام قراراً بعودة برنامجها "صبايا الخير"، عقب قرار إيقافه بسبب حلقة صيد الثعالب التي أثارت الجدل، اعتذرت الإعلامية ريهام سعيد إلى جمهورها، من خلال رسالة طويلة نشرتها على حسابها الخاص في "إنستغرام"، وأرفقتها بصورة وقد علّقت عليها: "على أد ما زعلت إني اتهاجمت واتجرحت كتير فرحت أوي أن ناس كتير بقت رحيمة بالحيوانات حتى لو مفترسة وخطر على البني آدم، أنا بعتذر على أي مشهد في إساءة لأي حد وخصوصا الناس المهتمة بالرفق بالحيوان، بعتذر إني تسببت في أي ألم لأي حد فيكم لكن لازم تكونوا متأكدين أنا اشتغلت واجتهدت وتعبت لمدة ١٨ سنة وأكيد مش محتاجة أي شهرة ولا مشاهدة، الهدف الوحيد هو تقديم محتوى محترم صادق ومفيد".

وتابعت: "كنت عايزة أسلط الضوء على مهنة الصيد اللي موجودة في كل أنحاء العالم بمميزاتها وعيوبها حبيت أقدم الحقيقة وأزود معلومة جديدة لأن هي دي نيتي بس أنا مش بشتغل في مهنة الصيد ولا بمارسها لكن هي موجودة، أي اتهامات أنا هرد عليها الحلقة الجاية لكن المهم دلوقتي أن محدش يزعل مني لأن أكيد كل الي اتقال ده مش حقيقة، أنا عايزة أعيش في سلام وكفاية مشاكل، نفسي اللي بيهاجموا وعمرهم ما اتفرجوا على البرنامج يبتدوا يتابعوا يمكن تشوفوا أد إيه بنتعب وأد إيه حريصين أن إحنا نقدم أحسن حاجة".

وأضافت: "أنا آسفة مرة تانية والمرة اللي جاية هحط في الاعتبار أن ساعات الحقيقة ممكن تجرح بس طلب أخير لما تلاقوا غلط انصحوا وصلحوا وماتجرحوش لأن أكيد الي رحيم بالحيوان هايكون أكيد رحيم بالبني آدم الي هو ربنا حطه في أعلى مرتبة. أنا إنسانة واكيد الحكم عليه انا وعيلتي بالإعدام كل شوية مش عدل خصوصا إن طول الوقت في سوء تفاهم ولكن بيكبر نتيجه المشاهدة العالية. بتعرض لهجوم وإساءة رهيبة من غير ما حد حتى يعمل اعتبار لأولادي او أمي. من دلوقتي لازم نفهم أد إيه إحنا بنتشاف ولازم نكون أد المسئولية وحتى لو لينا أعداء متربصين. امشي عدل يحتار عدوك فيك. وعد مش هانغلط تاني سامحوني".