بعد حمله حذاءها... زوج ابنة نجلاء فتحي يرد على الانتقادات
بعد الانتقادات التي وجِّهت إليه بسبب حمله حذاء زوجته على السجادة الحمراء لمهرجان الجونة السينمائي، خرج المخرج المصري خضر محمد خضر، زوج ابنة الفنانة المصرية القديرة نجلاء فتحي عن صمته وردّ برسالة مطوّلة نشرها على حسابه الخاص في "فيسبوك"، وكتب فيها: "عندي بس تعليقين صغيرين عايز أقولهم لمن يهمه الأمر. 1 بالنسبة للصورة بتاعتي أنا ومراتي، الصورة دية اتاخدت واحنا مروحين الساعة 1:30 صباحاً من حفل الافتتاح (مش وإحنا داخلين حفل الافتتاح). أكيد مش هدخل حفلة شايل جزمة مراتي وماشي. إحنا الدعوات بتاعتنا دعوات VIP مش دعوات مشاهير، فا ده أصلاً ما بيدخلناش على السجادة الحمراء مع الفنانين، ده بيدخلنا من باب تاني جنبه ما فيهوش كاميرات".
وأضاف: "كل ما هناك إن بعد 6 ساعات من الحفل واحنا خارجين باب الخروج كان زحمة وكل الناس خارجه منه (فنانين وغير فنانين ومصورين وكاميرات فيديو) ومراتي أكيد بعد 6 ساعات رجلها تعبت زي أي واحدة رجلها بتتعب في أي فرح. فا قلعت الجزمة! فا من الطبيعي ومن الرجولة ومن الأدب إن أنا اللي أنزل أجيب الجزمة (مش هخلي مراتي توطي وسط الناس أكيد) وديه لا حاجة تعييني ولا تقلل مني. واحدة شايلة بيتي على راسها 15 سنة، مش هاشيل جزمتها 15 دقيقة؟ المهم ضربت بعيني لقيت ممر السجادة الحمرا مفتوح وفاضي قولت لها ياللا نخرج من هنا أسرع، ولقينا المصور العزيز محمد حامد بيطلب مننا صورة فا وقفنا 3 ثواني بالظبط. ابتسمنا وأخدنا الصورة وخلعنا. والراجل تفضل مشكوراً وبعت لي الصورة على الفيسبوك وبصراحة الصورة لذيذة. ولما حطيتها عندي على الوول لقيتها بيتعمل لها شير روحت قافلها (للأصدقاء فقط) بس كدة".
شاركالأكثر قراءة
المجلة الالكترونية
العدد 1077 | آب 2024
ناس وناس
هاني مهنا يتحدث لـ"لها" عن أنباء انفصال ابنته هنادي عن أحمد خالد صالح
ناس وناس
ناقد فني يهاجم تواجد الفنانات المصريات في "كان": "يلتقطن الصور على السلّم ثم يعدن"
ناس وناس