بالصورة – للمرة الأولى أسماء شريف منير تكشف معلومات عن زوجة والدها

22 تشرين الأول 2020

اسماء شريف منير

نشرت الفنانة أسماء شريف منير على حسابها الخاص في تطبيق الصور والفيديوهات "إنستغرام"، صورة للممثلة المعتزلة لورا زوجة والدها، وأرفقتها بتعليق تحدثت فيه عن طريقة تعاملها معها حيث كتبت: "الست الجميلة اللي في الصورة دي هي لورا مرات أبويا. إيه ده؟ هو في مرات أب حلوة كده؟ أومال فين الحوافر والعيون الشريرة؟ مش مرات أب؟ يبقى أكيد لازم تكون شريرة وبتعذب الولاد وبتشغلنا في البيت هههه".

وأضافت: "ده اللي المجتمع والأفلام دايماً بيصدروا بس الحقيقة إن الست دي من أطيب وأجمل وأجدع الستات اللي في الدنيا، عمرنا ما اتخنقنا يمكن اختلفنا مرة بس عمرها ما اتعدت على حقوقنا ولا التزمات أبويا لينا، أم اخواتي أو بناتي عشان هما صغنانين، هي عيلتي وحبيبتي. لما بزعل مع أبويا بتقف جنبي حتى لو هيتخانق معاها، أنا وهي أصلاً شخصيتنا قريبة من بعض بتفهمني و بتحس بيا".

وتابعت: "أنا عمري ما اتكلمت عنها عشان هي بعدت عن الأضواء من زمان، بس حسيت إني لازم أقول لها إني بحبها وبحترمها وأديها حقها. وعشان أقول لإي ست لو انتِ مرات أب لأولاد لازم تتقي ربنا فيهم وصاحبيهم وحبيهم كأنهم ولادك وربنا هيجازيكي كل خير وجوزك هيشيلك فوق رأسه".

واختتمت أسماء بالقول: "بحبك يا لولو أوي وربنا يخلينا لبعض كلنا ديماً وشكراً علي كل حاجة حلوة عملتيها لي. آه وبالمناسبة هي بتعمل أفكار حلوة أوي على الإنستاجرام تابعوها".