بعد شائعة ارتباطهما.. سهام جلال تنفي زواجها من الساحر عزام

شاعت خلال الفترة الماضية أخبار عن ارتباط الفنانة سهام جلال بالساحر الشهير عزام، وذلك بعد نشرها صورة جمعتهما معاً على حسابها الخاص في "فيسبوك" من على أحد الشواطئ، ورداً على تلك الأخبار نفت سهام وجود أي علاقة ارتباط أو خطوبة أو زواج من الساحر ولاعب خفّة اليد عزام. وقالت: "مش معنى إني أنزل صورة مع صديق ليا يبقى تربطني به علاقة أو اتجوزته، ده أصغر من أخويا الصغير والجمهور بقى مستفز جداً جداً".

وتابعت: "أنا وعزام تجمعنا صداقة فقط، وهو ولد ساحر وشاطر جداً، وأنا نزلت الصور دي على أساس إني بعمله دعاية لأنه شاطر في شغله جداً، ولكن كلام الناس لـ مواقع التواصل الاجتماعى اتسببلى في كآبة بسبب الكلام اللي اتكتب".

وأضافت: "أنا واحدة في حالي جداً ومن الفنانات اللي لا ليا صورة فيها مشكلة أو حدث ولا عمري طلع عليا شائعة، وأنا لو اتجوزت أو اتخطبت هاقول هاخاف من إيه إني أقول يعني".

واختتمت بالقول: "جمهور السوشيال بقى متطاول زيادة عن اللزوم على الفنانين، وبيدخل يقول تعليقات سخيفة وكمان بيقيم العلاقة من صورة، ونفسى يحط نفسه مكانا، انا لو دخلت وقلت على أختك أو زوجتك كلمتين بسبب صور مش هتضايق أو أهلها مش هيضايقوا، ياريت تراعوا ربنا في الكلام اللي بتكتبوه".

مقالات ذات صلة

جرّاح قلب يكشف أسباب الكدمات على جسم الراحل محمد رحيم

مفاجأة في استئناف أحمد فلوكس على الحكم بحبسه

سهام جلال الساحر عزام مشاهير الفن