التعليق الأول من ريهام سعيد بعد الحكم بحبس سما المصري

28 آب 2020 | القاهرة – "لها"

ريهام سعيد

علّقت الإعلامية ريهام سعيد على الحُكم الصادر على سما المصري في قضية السبّ والقذف التي كانت قد أقامتها ضدها، والتي تم الحكم فيها بحبس المصري عامين وتغريمها 100 ألف جنيه.

وكتبت ريهام على حسابها الخاص على "إنستغرام" قائلةً: "سبحان الله السنة الي فاتت زي انهارده استقبلت خبر وقفي من المجلس الأعلى للإعلام بصدمة لأني معملتش حاجة في حياتي أهم من مساعدة مرضى السمنة ونصيحتي كانت من خوفي عليهم لأن أنا مريضة سمنة وأخدت وعد إن كل واحد بيعاني هايتعالج فحتى لو كلامي قاسي يبقى عشان يقبلوا على العلاج الي تعبت أوي عشان أخليه بالمجان حتى خارج التبرعات".

وتابعت: "ناس كتير اتخلت عني كانت بتعرفني فقط لشهرتي راحوا والأقنعة اترفعت واتصدمت في ناس كتير أوي ماشافوش مني غير كل خير ده غير الإهانة والسب. ناس كتير أوي غلطت فيا وهما مش فاهمين حاجة".

وأضافت: "في نفس يوم وقفي من غير شماتة ولكن بقناعة أن التوكل على ربنا فقط حتى لو ملكش حد كفايه بعد سنة انهارده يتفك الوقف والي عايرني إني مش بشتغل اتطرد شر طردة والمجلس الأعلى اتحل وسما أخدت حكم والي كانوا بيعملوا فيديوهات ضدي حالتهم كرب واعتذروا. في أقل من سنة ولسة كل واحد غلط فيا فاكر إني طنشت هاياخد عقابه لأن ده حقي وسمعتي وسمعة أولادي الي تعبت فيهم أوي وضيعت عمري، رجع الحق عشان ربنا عادل وعظيم وكريم والي عند ربنا مابيروحش. بشكرك يا رب".

وأردفت بالقول: "بشكر المحامي شعبان سعيد الي في ضهري طول الوقت بشكر زوجي بشكر أي حد كلمني أو سأل عليا وانا مش بشتغل ومذيعة ومكسرة الدنيا بشكر الناس الأصيلة الجدعة زي الفانز وزي خالد الصواف وحمدي بدر ومحمد رمضان وياسمين عبد العزيز وبدرية طلبة ودينا ومي كساب وإيمان العاصي وأصالة واحمد رزق وعلاء الشربيني وسعد الصغير. بشكر كل واحد عمل فولو البروفايل ده وأنا مش حاجة وولا حاجة مش بشتغل ومش عارفين هاشتغل تاني واله لا. مبسوطة بالسنة الي بعدها مفيش حواليه غير الناس الي بتحبني بجد. بشكرك يا رب. وبشكر القضاء العادل والدولة المحترمة. أخيرا الحق بقي بيرجع في مصر في عهد ريس محترم وقوي. الحمد لله".