حسني شتا ينفعل على متابع لعنُه ويرد بقسوة: "ربنا يشفيه"

تلقى الفنان المصري الشاب حسني شتا تعليقًا عبر صفحته على "فيسبوك"، من أحد متابعيه يقول له فيه: "الله يلعنك ويلعن أمثالك"، فنشره وكتب معلقاً عليه: "الأستاذ ده كاتب لي كومنت بيقول لي الله يلعنك ويلعن أمثالك، اللي هو بيلعني ليه طيب! علشان أنا ممثل؟ ولا علشان إيه عاوز أفهم، وبعدين بدل ما يلعني طب ما ينصنحي باللي عاوز يقولهولي، الأستاذ عايش في فرنسا وأكيد ماشي يلعن كل الناس هناك".

وتابع: "بجد أنا بحاول ما انتبهش لأي كلام سلبي أو كلام فيه كمية أمراض نفسية بتدل على قدر تخلف أصحابها النفسي والعقلي وكل اللي بعمله إني ببتسم وبقول ربنا يشفيه، بس أول مرة أحس إني متضايق بسبب تعليقات شبه كده، زي مثلا واحده كانت كاتبة لي بحبك أوي وبموت فيك ودمك خفيف وقمر وأي حاجة بتمثل فيها بتفرج عليها علشانك بس يا خسارة مصيرك جهنم، دخلتني النار".

وأضاف حسني: "وتعليقات كتير طول الوقت بحبك بس ربنا يهديك وتبطل تمثيل، بحبك وبحب دورك في كذا بس ربنا يهديك، أنا فعلا مش مستوعب هو إنتوا بتدخلوني النار ليه؟ ومنين بتتفرجوا وتسلوا وقتكم وتضحكوا وتنبسطوا من قلوبكم وتبقى في قمة السعادة إنك تتصور مع ممثل وفي الآخر أنت شايفه في النار؟ مش لاقي تفسير، هو إنتوا فعلا شايفنا في النار وإن إحنا شياطين؟ بس أنا بحب مهنتي جداً وبحب كل الناس اللي بتحبني وبدعي للناس اللي بتفكر بشكل غريب ربنا ينور عقولهم".

‎يُذكر أن حسني شارك في موسم رمضان 2020 بمسلسل "ليالينا 80" من بطولة إياد نصار، وغادة عادل، وخالد الصاوي، وصابرين.

مقالات ذات صلة

عمرو سعد يتحدّى: لا أحد يمكنه تقديم أدواري

مي عمر تكشف سبب غيابها عن مواقع التواصل الاجتماعي

حسني شتا مشاهير الفن نجوم مصر