هيفاء وهبي توجه رسالة شديدة اللهجة: "التفاهة أهم"

عبّرت الفنانة هيفاء وهبي عن غضبها الشديد من تركيز غالبية متابعي السوشيال ميديا على الأمور التي وصفتها بـ"التافهة" على حساب المصائب الكبيرة الموجودة في البلد، وقالت: "لو ركزنا بالشعوب رح نلاقي كل شعب عنده مشاكل بدو عمر فوق عمره لتنحل وتنتهي بس الشعب كل همه بس انستغرام وفيسبوك ومين ركب على مين ومين زفت مع مين وهيدي كذابة وهيدا ممثل".

وتابعت: "العالم بعدا تحت الأنقاض وإنتو همكم تغنوا كايروكي على مصايبنا.. نحنا شعوب بتستاهل اللي عم بيصير فيها ما كنا نتعلم من كل هالفترة اللي مضت انه ربنا صار باعت مليار رسالة بس لأ!! التفاهة أهم. النميمة أهم. الشماتة أهم!! تركيب الرموش بهيدي الطريقة أهم!! وتفاهة ما بعدا تفاهة!! والسراق تمام والمسروق بيستاهل".

واستطردت بالقول: "اللي مفكر حاله صحفي ويتورط مع الأغبياء وينشر حيالله شي حتى لو الخبر مأخوذ من سطل زبالة!! وفلان قال وفلانة ردت وللقرف بقية.. لأ على فكرة عنا مصيبة لبنانية كبيرة وبعدنا عايشينا وإذا انت نسيت فهيدا شأنك بس ما تجرب تسمح لحالك تتعامل معنا على أننا خلصنا وتجرجرني معك لمواضيع مش وقتا ولا رح اسمحلك تستغل عدم ردي على اني ساكتة وما عندي علم لا بس مش وقتها".

واختتمت حديثها قائلةً: "ما تجرب تسمح لحالك تتعامل معنا على أننا خلّصنا وتجرجرني معك لمواضيع مش وقتها ولا رح أسمحلك تستغل عدم ردي على أني ساكتة أو عندي علم لا بس مش وقته".

مقالات ذات صلة

جدل حول تصميم فستان إليسا القصير

بالفيديو - جورى بكر تخرج عن صمتها وتكشف أسباب طلاقها

هيفاء وهبي مشاهير الفن نجمات لبنان