بالفيديو - أحمد فلوكس يشن هجوماً على هؤلاء.. وفنانة له بالمرصاد

11 آب 2020 | القاهرة - "لها"

أحمد فلوكس

حملة هجوم واسعة وانتقادات كبيرة من الجمهور ومجلس نقابة الموسيقيين على مواقع التواصل الاجتماعي، تعرض لها الفنان أحمد فلوكس، بعدما بث مقطع فيديو له وهو يهاجم بانفعال نقيب الموسيقيين هاني شاكر، لعدم اهتمامه باليوتيوبر مصطفى حفناوي الذي رحل عن عالمنا أمس (الاثنين) بعد صراع مع المرض، حيث قال فلوكس في مقطع الفيديو الذي بثّه على "فيسبوك": "أبويا علمني إن مغلطش في حد كبير لكن أنا معرفش مصطفى حفناوي وأنا في بلد تانية ومتابعه من 8 أيام ومحدش زاره غير تامر حسني، لأن تامر راجل وبقاله 7 أيام بيناشد حد إنه يتعالج".

وأضاف: "دلوقتي كله بيقول الله يرحمه.. كله بمن فيهم الأستاذ الفاضل الكبير هاني شاكر اللي قال أنا معرفوش بس قلبي وجعني".

وتابع: "طب قلبك موجعكش وهو مش لاقي مستشفى تستقبله وهو عنده جلطة في مخه، اتقوا الله كفاية متاجرة بالبني آدمين، كفاية، إيه ده إيه ده، ما كان بقاله 6 أيام مش لاقي حد يعالجه أو يساعده، اللي عرف الناس القصة لما تامر حسني راح زاره، دلوقتي بقى كله فاكره، أستاذ هاني شاكر هو تامر حسني النقيب ولا أنت، اتقوا الله، إنتو بتاجروا بموت بني آدم، ده شاب وصغير، الناس اللي كاتبين الله يرحمه الفنانين والفنانات والمنتجين كنتوا فين وهو يوتيوبر وكان عايز يمثل، وهو بيروح من الكرفان ده للكرفان ده وعايز يمثل، مخلتهوش يمثل ولا يبقى فنان ليه.. ولا لما مات افتكرتوه، إيه ده، طيب مش أنتو زعلانين عليه، أنا بطالب كل اللي كتب الله يرحمه إنه يروح يبني جامع باسمه مدام انتو رجالة أوي كدا، احنا في زمن غريب".

وبمجرد نشر الفيديو، انهالت التعليقات الهجومية على أحمد فلوكس، حيث اتّهمه الجمهور بأنه يتاجر أيضاً بوفاة اليوتيوبر مصطفى حفناوي، إذ انتقده أحد المتابعين قائلاً: "وأنت مرحتش زرته ليه ومعملتش الفيديو ده قبل لما يموت ليه ولا أنت كمان بتاجر؟"، فيما هاجمه آخر قائلاً: "وأنت كمان بتتاجر بس بشكل مختلف".

وتواصلت الانتقادات اللاذعة من الجمهور لأحمد فلوكس، حيث علّق أحد متابعيه قائلاً: "هاني شاكر نقيب الموسيقيين مش الفنانين.. بس للعلم"، فيما قال آخر: "ابحث عن الترند.. كله عايز يركب الترند إلا القلائل إنا لله وإنا إليه راجعون".

من ناحية أخرى، دافعت الفنانة نادية مصطفى عن نقيب الموسيقيين الفنان هاني شاكر، حيث وجهت انتقاداً عنيفاً لأحمد فلوكس على صفحتها في "فيسبوك" جاء فيه: "النهارده شفت فيسبوك بينعى اليوتيوبر مصطفى حفناوي الله يرحمه يا رب ويسكنه فسيح جناته.. وبجد معرفوش ومش عيب إني أول مرة أسمع عنه وأكيد موت الشباب بيوجع قلب أي إنسان حقيقي وأما أقول معرفوش واترحم عليه وأقول موته وجعني مش عيب ولا لقطة باخدها والعيب عليك أنت يا فنان.. لأنك أنت اللي عايز تاخد اللقطة مش هاني شاكر والمشهد اللي انت عملته أوڤر أوي ومنتهى الاستفزاز".

وأضافت: "ملحوظة.. مصطفى حفناوي مش عضو في نقابة المهن الموسيقية فإيه دخل هاني شاكر !!!! ولا هو عضو في نقابة المهن التمثيلية وكان عايز يمثل ماساعدتوش حضرتك ليه".

وبعد سلسلة الهجوم على فلوكس، نشر على حسابه الخاص في "فيسبوك" اعتذاراً للفنان هاني شاكر عما بدر منه، إلا أن الأخير رفض الاعتذار بشدة مؤكداً أن فلوكس تمادى في الهجوم رغم أن لا دخل له بالموضوع، وهو ما دفع الدكتور أشرف زكي نقيب المهن التمثيلية للتقدم باعتذار رسمي من الفنان هاني شاكر ، وخاطبه طالباً أن يقبل اعتذار فلوكس.