في تسجيل صوتي – بغضب ومرارة نجوى كرم توجّه هذه الرسالة: "يا أولاد الأفاعي"

تواصلت ردود الفعل في أوساط المشاهير على الفاجعة التي شهدتها العاصمة اللبنانية بيروت. وفي هذا السياق نشرت الفنانة اللبنانية نجوى كرم على حسابها الخاص في "تويتر" تسجيلاً صوتياً علّقت من خلاله على الحادثة.

وقالت نجوى متوجهةً إلى الزعماء في بلدها: "كأنو ما صار شي ومبلا صار وكتّر. دبحتونا ودبحتو البلد متل كأنو ما صار شي. طفّيتوا أهدافنا وأحلامنا والبكرة تبعنا ومتل كأنو ما صار شي. هجّرتوا ولادنا وأدمغتنا ومتل كأنو ما صار شي، نهبتونا وسرقتونا وفلّستونا متل كأنو ما صار شي".

وأضافت: "وقال شو وبكل وقاحة قالولنا بكرة بتتعوّدوا، يعودكن العمى أقل شي. مش ملككن نحنا ولا محط تجاربكن وحقل لتحقيق أمنياتكن. ولك لازم ثورة تفوت عبيوتكن تتحسسكن بياللي عم نحسه هيدا إذا كان عندكن أساساً فيه إحساس يا أولاد الأفاعي".

وتابعت:" شغّلتوا فينا المستشفيات وأطبا النفس. خليتونا ميتين ونحنا أحياء يا بلا وجدان. ولك وين ريحة الطيون والزعتر ياللي بدّلتوها بريحة جتت ولادنا وأهالينا؟ وبعدكن عم تتقاتلوا عالسلطة ولك روحوا انقبروا فلّو. صاير ومكتّر صاير ومكتّر بس إنو كإنو الدني عم تشتي".

واختتمت نجوى بالقول: "كيف قادرين تستخفوا فينا؟ كيف قادرين تستخفوا بعقولنا وأرواحنا؟ مش عم نفهم كيف. إذا انتو مش فاهمين مصيبة وإذا فاهمين مصيبة أكتر" .

نجوم العرب يدعمون الشعب اللبناني: "هل هناك مبرر لكل هذا الدمار والعنف؟"

مقالات ذات صلة

نجوم العرب يدعمون الشعب اللبناني: "هل هناك مبرر لكل هذا الدمار والعنف؟"

مشاهير أخبار المشاهير مشاهير لبنان نجوى كرم انفجار بيروت