بعد نهى عابدين وداليا إبراهيم.. فنانة مصرية ثالثة تعلن اعتزالها الفن

23 حزيران 2020 | القاهرة (لها)

إنجي خطاب 2

في أقل من شهرين أعلنت ثلاث فنانات شابات مصريات اعتزالهن الفن بشكل نهائي بسبب التجاهل الذي يلاقينه من الوسط الفني، حيث أعلنت الفنانة نهى عابدين اعتزالها التمثيل في رمضان الماضي، ثم أعلنت أمس الفنانة داليا إبراهيم اعتزالها أيضاً لتلحقها بعد ساعات زميلتها الفنانة إنجي خطاب التي أعلنت اعتزالها الفن بشكل نهائي عبر حسابها على "فيس بوك.

وكتبت إنجي "بعد تفكير طويل أوي قررت أعتزل مهنة التمثيل، قالوا عليا موهوبة بس للأسف الموهبة وحدها لا تكفي، مع إني ضاع عمري فيه سنين، دراسة بكالوريوس تمثيل وإخراج، وبعدها دبلومة في الإخراج، وكارنيه النقابة".

وتابعت: "ده غير سنين اجتهاد وسعي وتعب ومرمطة وظلم، وماخدتش حقي اللي استحقه للأسف، الوسط ده ماليش مكان فيه، الاعتزال أكرم".

ثم نشرت منشوراً آخر كشفت فيه أسباب قرار اعتزالها الفن وكتبت تقول: "تساؤلات كتيرة ليه أنا اعتزلت ناس تقول مخدتش حقها واتظلمت وموهبة وخسارة وناس تهزر وتقول عاوزة تعمل تريند تزود شهرتها اللي يعرف إنجي خطاب كويس هيعرف إني مش بتاعة تريندات ولا ليا في علاقات وخروجات وشلل ولا حفلات ولا بحاول الظهور في أي مكان غير شغلي فقط وعمر ما في حد بيقابلني صدفة حتى في أي مكان لأني ببساطة مش مختلطة بالوسط ولا بخرج مع حد وأغلب صحابي وحياتي بعيدة عن الوسط الفني خالص".

وتابعت:" باختصار قرار اعتزالي دا قرار بجد خدته بكامل إرادتي لأسباب تخصني متخصش أي حد ومحبش أساسا أكون مجالا لأي كلام وكل الناس عارفة كويس أوي مين إنجي خطاب، وأنا لما قررت أعتزل مكلمتش ولا حد عشان محدش يأثر عليا وخدت قراري ونزلته على صفحتي بوست أخدوه الصحفيين من عندي متصلتش بحد أصلا ولا برد على حد.. فأرجو تراعوا مشاعر الناس وتحترموا قراراتنا وحياتنا واللي بنمر بيه محدش عارف يعني إيه فنانة لسه صغيرة في بداية مشوارها توصل لقرار اعتزال محدش عارف قمة الألم اللي بيحسه واليأس اللي وصلوا بلاش تجريح في الناس وهزار رخيص، أنا بقي مش بتاعة تريندات لأني ليا اسمي الحمد لله وأعمالي مش محتاجة أعمل زفت تريند والقرف بتاعكم دا وقرار اعتزالي دا بجد ولا يفرق معايا تريند ولا يفرق معايا دنيتكم كلها أصلا.. ارحموني بقي أنا فيا اللي مكفيني.. شكراً".

يذكر أن أخر أعمال إنجي كان مسلسل "كلبش 2"، من بطولة النجم أمير كرارة وروجينا، وهيثم أحمد زكي.