إشترك
استمراراً لأصداء أزمة صورة ابنتيه نشر الفنان شريف منير، مقطع فيديو جديد له على حسابه الخاص بـ"إنستغرام"، وهو يتوسط ابنتيه، ليوجه رسالة لكل المنتقدين والمتنمرين الذين انتقدوه على صورة ابنتيه التي نشرها منذ أيام.
وقال في الفيديو: "دول المذنبين، دول المتهمين، إللي عملوا المصيبة، إللي أذوا الناس، إللي أذوا الدين، لأن الناس إللي شتموني ملائكة، بيكلموني بالدين، البنتين الكبار أوي دول هما إللي أذوا الدنيا كلها، عموما بشكر كل الناس إللي وقفت جنبي، ودعمتني ودعمت أولادي".
وأضاف منير: "أنا بطلب من الناس إن يبقى في وقفة قوية، يجوز إننا كنا نقطة تحول، لازم كلنا نبقى إيد واحدة، أي أذى يجيلك، أو أي تنمر يحصلك، متسكتوش، اعملوا بلاغ، الاهتمام غير طبيعي من السيد النائب العام، والناس فارق معاها جداً جداً، وعاوزين يساعدوا جداً جداً، لازم نحط حدود للناس اللي بتمشيلنا حياتنا".
وتابع: "دول بناتي إللي اتهانوا واتجرحوا علشان كنت فرحان بيهم، فأخدت على دماغي جامد، بس الرد هيبقى جامد أوي".
ووجهت ابنته فريدة رسالة قائلة: "عاوزة أقول إن أنا اتهنت وأتأذيت وعاوزة حقي وحقي هيرجعلي إن شاء الله".
وقالت ابنته كاميليا: "ناس كتير شتمني وشتمت ببايا، وأنا مبحبش حد يشتم بابا، وأنا عاوزة أخد حقي".
واختتم منير قائلاً: "وأي حد يتعرض لأذي أو إهانة هيجيله حقة لحد عنده، لإن احنا في دولة قانون".
