دعاء فاروق تسخر من منتقدي مفيدة شيحة ومطالبات بتقديم بلاغ للنائب العام ضدها

14 حزيران 2020 | القاهرة - "لها"

دعاء فاروق

علقت الإعلامية دعاء فاروق على الانتقادات التي وجهت إلى زميلتها مفيدة شيحة بسبب اتهامها بالعنصرية، كاتبة عبر حسابها على "فيسبوك: "مفيدة يا عيني بتهزر مع الراجل اللطيف ده مهندس الصوت معاها في برنامجها بطريقتها اللي زى القطر وبعشم بسبب عشرة السنين اللي بينهم.. الناس بهدلوها وقالوا إنها متنمرة وعنصرية وهي الحقيقة في هزارها قطر وكلنا عارفين هذه المعلومة ومبنزعلش منها ولا حد من حبايبها بيزعل منها لأننا عارفين إن مفيش عندها فرامل وده الاوبشن اللي منجحها بصراحة.. كلنا بنفرمل إلا هي قطر ماشي في الإعلام.. وهي طبيعتها كده وده سبب نجاحها وتألقها".

وتابعت: "هي تمثل الست القوية وستات كتير تحب نموذج الست القوية وعشان كده هي نموذج متفرد مفيش حد شبهها ولا زيها.. قووووم ايييييه أنا منزلة بوست عن شطارتي في الإعلام.. وإعداد البرامج وبتباهي بحلقة من برنامج (حياتنا) اللي كنت بتكلم فيها عن العنصرية وقلت بالحرف إني قدمت رسالة عن العنصرية قبل الناس ما تمشي مع الرايجة وتتكلم عن العنصرية في برامجهم.. فالناس اللطيفة الظريفة قالوا لمفيدة إني بلقح عليها بالكلام".

وأضافت: "فالقطر صاحبتي اتصلت بيا.. دودو انتي اتكلمتي عليا؟؟؟ وطبعا أنا مكنتش أعرف هي عملت إيه أصلا فقالت لي ولا حاجة كنت بهزر مع زميلي.. المهم إن مفيدة خرجتني من موود الزعل واللخبطة اللي أنا عايشاها بقالي أسبوع.. وضحكتني بصراحة.. وأنا قلت لها انتي قطر يا مفيدة وهي قالت لي دى حقيقة.. وربنا يسعد سعيد بسعيدة واللي عاوزين يوقعوا الناس في بعضهم يمتنعون مش هيعرفوا.. بحبك يا قطر من غير فرامل".

من ناحية أخرى أوصت لجنة الشكاوى بالمجلس الأعلى لتنظيم الإعلام، بتقديم بلاغ للنائب العام ضد الإعلامية دعاء فاروق وذلك بعدما أعلنت اللجنة أنها ناقشت مخالفة جسيمة ارتكبتها دعاء، على قناة النهار، حيث استضاف البرنامج مديرة شركة مستحضرات تجميل خريجة كلية التجارة، وقدمتها المذيعة علي أنها طبيبة، وسمح البرنامج لها بالترويج للأدوية التي تنتجها الشركة، كما تخطت حدود الترويج بخداع وتضليل المشاهدين والتدليس عليهم بالسماح للمحاسبة بالحديث في أمور صحية وطبية ووصف علاجات محظور على غير الأطباء المؤهلين الحديث عنها، مما يعرض صحة المشاهدين للخطر.