بالصورة – من دون مكياج نور عريضة تتحدى أقسى سخرية من شكلها: "حنكي أعوج وحولة"

12 حزيران 2020

نور عريضة

ردت الفاشينيتسا اللبنانية نور عريضة على موجة التنمر والسخرية الجارحة التي تعرضت لها بسبب ظهورها في فيديو نشرته مؤخراً.

ولهذا نشرت على حسابها على تطبيق الصور والفيديوهات "إنستغرام" صورة ظهرت فيها من دون فلتر ومن دون مكياج كاشفة حالة بشرتها الحقيقية وأرفقتها برسالة مؤثرة جاء فيها: "حولة، حنكك ألوق (منحرف)، ليه هيك بتحكي؟ بترمشي كتير، عيونك كأنك نعسانة، عندك عين أكبر من عين، معك شلل نصفي... هيدي عبارة عن الكلام اللي توجّهلي اليوم على الفيديو اللي نشرتوا صباح اليوم وعبارة عن شو بيوصلّي كل يوم".

وأضافت: "صح إنو المحبّة اللي معظم الناس بتعطيني ياها و الحب اللي بتعبّرلي عنه طاغي، بس هيدا ما بيلغي كميّة الحقد والأذى اللي بشوفها وبقريها يوميّاً. لطالما كنت إحكي عن أهمّية الوقوف بوجه التنمر و هيدا هو السبب الأساسي يلّي خلاني أكتب هالشي اليوم. لأن بعرف إنو في ناس وخاصةً فتيات يتابعونني وبعانو من التنمّر بس ما بيسترجوا يحكوا".

وختمت: "خلّيني ريّح كل متنمّر بمرّ على صفحتي: أنا حنكي أعوج وحولة وكأني نعسانة ومعي شلل نصفي ومع هيدا كلّو بحب حالي وراضية عن نفسي أكثر من ما يتخيّل عقل كل من المتنمّرين. وانتِ كمان، لكل امرأة عم تقرأ حبّي حالك، لو مهما كان الثمن".

وتفاعل معها الكثير من المتابعين الذين عبروا عن دعمهم لها حيث حققت الصورة في ساعات قليلة أكثر من 338 ألف إعجاب.