بعد اتهاماتها له.. حسني شتا يرد على رانيا محمود ياسين بشكل حاسم

19 أيار 2020 | القاهرة (لها)

حسني شتا

بعد ظهوره في مسلسل "ليالينا 80" بإطلالة قريبة الشبه من الفنان الكبير محمود ياسين في فترة شبابه، هاجمت الفنانة رانيا محمود ياسين الفنان الشاب حسني شتا، متهمة إياه بتقليد والدها واستخدام المكياج للوصول إلى شبه والده.

ورداً على اتهامات رانيا نشر شتا منشوراً عبر حسابه على "فيسبوك"؛ قال فيه: "مش عارف فعلاً هي بتحذرني ليه ومن إيه!! ولو على التحذير يبقى توجهيه للجمهور اللي قال كده مش أنا".

وتابع: "ثانيا احترامي وتبجيلي للفنان الكبير محمود ياسين بتاريخه الفني الكبير مفيش أي مقارنة لأن الأساتذة الكبار أمثال محمود عبد العزيز وأحمد ذكي وعادل إمام ونور الشريف وغيرهم من نجومنا الكبار لا يمكن أن فيه ممثل أيًا كانت موهبته يقارن نفسه بيهم لأنهم صنعوا تاريخهم الفني بالفعل".

وأكد: "ثالثًا أنا مبقلدش حد، اللي شاف دوري في أيوب أو الأب الروحي أو أبو جبل أو طلقة حظ أو فيلم اشتباك أو طلق صناعي أو غيرها من الأعمال هيلاحظ إني بحاول أن كل شخصية تكون مختلفة عن التانية في الملامح الداخلية والإطار النفسي والشكل والإطار المادي من ملابس وطبقة صوت وغيره.. في أيوب زي ما بيقولوا كنت شبح وفي الأب الروحي هادي وانفعالاته داخلية".

وأضاف: "مش أنا اللي بقول كده دي الناس اللي بتقيم وتحب وهفضل أجرب في كل شخصية بعملها لآخر عمري لأن دية متعة التمثيل إني أحاول أخلق شخصية من لحم ودم وكل مرة تكون مختلفة والتوفيق بالنجاح من عند ربنا ولو لما تصيب فعملت اللي عليًا إني مش بستسهل واعمل كل الحاجات شبه بعضها.. فصادف أن الدور في مسلسل ليالينا في حقبة زمنية قديمة واللبس وغيرها من تفاصيل العصر تتماس مع طبيعة وشكل أستاذنا محمود يس . وفيه شبه في الملامح خصوصاً مع تسريحة الشعر والسوالف واللبس طب إيه المشكلة بقي مش فاهم يا أستاذة رانيا ولكي مني كل التقدير".