شقيق ياسمين عبد العزيز يبحث عن عمل: "أنا مبشتغلش ليه؟"

08 أيار 2020 | القاهرة (لها)

ياسمين عبد العزيز وشقيقها وائل

أثار وائل عبد العزيز شقيق النجمة المصرية ياسمين عبد العزيز جدلاً كبيراً من خلال منشور له عبر حسابه في "فيسبوك"، وذلك بعد فترة قصيرة من هجومه على شقيقته وزوجها الفنان أحمد العوضي، أوضح فيه أنه يبحث عن فرصة عمل وكتب: "أسئله مهمة للسادة الزملاء الأفاضل... !! الأول سلامة عليكو وكل سنة وحضراتكم طيبين وناجحين ورمضان كريم .. أنا اشتغلت مع أغلبية الأساتذة الأفاضل المحترمين أكتر من مرة من ممثلين ومخرجين ومنتجين وكذا صحفيين في حوارات صحفية عديدة وموزعين".

وأضاف: "هل حضراتكم شوفتوا مني حاجة وحشة...!؟ هل عمري دخلت لشخص بواسطة أو باسم.. هل عمري اتأخرت في مرة عن شغلي...!؟ هل عمري ضايقتك زميل أو زميلة...!؟ هل تعديت حدود آداب المهنه....!؟ هل انا ممثل مش كويس ....!؟ وأخيرا هل مثلاً تعاديت حدود الأصول على ممثلة أخت زميل ليا..!؟"

واستكمل: "أظن حضراتكم عارفين الإجابة كويس لأن أنا عمري ما صدر مني شكوي... وأنتم نفسكم طلعتوا عليا الجدع ابن البلد.. طيب انا مبشتغلش ليه دراما بقالي سنتين....!؟ وليه الأساتذة المنتجين لموسم رمضان متجاهليني تماماً!؟ وهل يا تري ده ليه علاقة بالمشاكل الشخصية.. ولو له علاقة أحب أفهم ليه...؟! وهل لو كنت وافقت على طلاق ووافقت على جواز تاني كان زماني بشتغل؟"

وأردف: "أنا أظن أني معنديش مشاكل غير الي باينه للناس كلها .. وعلاقتي بالأستاذ المحترم/ تامر مرسي كويسه من سنين طويلة كثيره وكان أول المحترمين الي وقف جنبي من اكتر من ١٣ سنة في دور طويل في مسلسل برة الدنيا للنجم شريف منير علي الرغم إن عدد أعمالي في الشركة الأم الحاضنة للدراما المصريه "سينرجي" لا يتعدى ٣ أعمال".

وتابع: "أما علاقتي بالأساتذة المخرجين الحمد لله كلهم صحابي وناس محترمة مفيش بيني وبينهم غير كل خير.. وبالفعل أخدت كلمه من اكتر من مخرج السنادي علي المشاركة في اعمال ٢٠٢٠ وللأسف لم يحدث شيء "

واختتم كلامه: "وماظنش إن عندي مشاكل أمنية مثلاً أو مطلوب للعدالة.. يا ناس أنا ليا جمهور وكبير الحمد لله وعدد الجوايز ١٧ جايزة من محافظات مصر كلها.. ياريت حد يرد عليا بعد إذن حضراتكم .. وياريت لو في حاجة انا جاهز أحلها لأن كده ميرضيش ربنا وقف الحال ده ... وشكرا".