ريهام سعيد تكشف عيوبها ومن تقصد بـ"الناس الزبالة"؟

نشرت الإعلامية ريهام سعيد عبر حسابها على "إنستغرام؛ رسالة طويلة تحدثت خلالها عن بعض الأمور التي تضايقها في الحياة، وعيوب شخصيتها التي تتمنى التخلص منها، ورغبتها أن تعيش بدون مشاكل أو أعداء.

وأكدت ريهام سعيد أنها قررت أن تبدأ حياتها من جديد بأحلام وأهداف مختلفة، وأن تستمتع بالحياة وأداء العبادات في شهر رمضان، موضحة أنها ستعوض لحظات الحزن في حياتها بالمزيد من الضحك.

وكتبت في رسالتها: "كان نفسي تبقى الحياة من غير مشاكل ولا أعداء ولا مهاترات من غير حقد ولا حسد ولا غيره. كان نفسي أبقى مش متهورة ولا مندفعة وقراراتي سريعة. كان نفسي معرفش ناس زبالة. كان نفسي أحب نفسي أكتر من كده بكتير وأبطل أغلط في حق نفسي، كان نفسي الناس تسيبني في حالي وكان نفسي يسيبوني أستمتع بنجاحي، كان نفسي ماثقش في الناس بسرعة".

وأضافت: "كان نفسي ماتصدمش في الي حواليه. أكيد عندي عيوب وعرفتها وهاصلحها مش عشان كنت وحشة وبقيت كويسة، لا عشان كنت صغيرة وكبرت. عمري ما حبيت الأذية لحد ولا فرحت في حد. معرفش في وقت ولا لا، لو حتى فاضل يوم واحد في عمري أنا هابتدي كل حاجة من جديد حتى حلمي هاحلم من جديد وهابني نفسي من جديد. لو اتحاربت تاني أنا مش هاحارب. ربنا كبير والحق بيرجع. تعالوا نستمتع بكل لحظة وًنستمتع بعبادة ربنا في الشهر الكريم. يا رب يغفر لنا ويسامحنا هو ده المكسب الكبير".

وتابعت: "كل لحظة كنت مكشرة فيها هاعوضها بضحكة حتى لو مفيش حاجة أضحك عليها، بس طول ما في أحمد فهمي وأكرم حسني لازم هانفضل نضحك بجد، برافو عاملين عمل عبقري. متضيعوش وقت تعالوا نحمد ربنا على كل نفس خارج وطالع، ربنا يديم علينا نعمة الصحة والستر. بداية جديدة. ادعوا كتير.

مقالات ذات صلة

بكاء النجوم وشجار عائلي في جنازة محمد رحيم

سبب غياب مي عز الدين عن جنازة والدتها

ريهام سعيد مشاهير الفن نجوم الاعلام