إشترك
حلّت الفنانة دينا الشربيني ضيفة الإعلامي عمرو أديب على قناة "إم بي سي مصر" في برنامج "الحكاية"، حيث تحدثت عن عملها الذي يُعرض في شهر رمضان المقبل "لعبة النسيان"، وكشفت تفاصيل حياتها مع النجم عمرو دياب خلال الحجر المنزلي بسبب تفشي فيروس كورونا.
ورداً على سؤال اديب "الهضبة تخن في الحظر ولا إيه؟"، أكدّت أنه يمارس الرياضة بشكل كبير.
وردا على مداعبة عمرو أديب لها "هو الهضبة بيجيلك البلاتوه ولا بيرشك بالمطهرات لما ترجعى من التصوير؟"، قالت دينا الشربيني: "عمرو دياب عشان بيحب شغله فبيخاف على نفسه وبياخد باله من إجراءات الوقاية، ودايما بيساعدني في شغلي واختياراتي، وبقاله أكتر من شهر مش بينزل من البيت خالص، وبشكره جدا أنه مستحملني في الظروف دي، وأنا هخاف عليه ينزل يجي عندى التصوير، وهو استغل الفترة دي وبيلعب رياضة ومحافظ على جسمه".
ومدحت دياب قائلةً: "هو فى أحلى من كده؟، أنا أصلا لما بتكلم عنه شوية مش بعرف أتكلم أوى عشان مش بعرف أديله حجمه، وهو رقم واحد فى الشرق الأوسط، وناجح بقاله 30 سنة، وهو دائما بيقول أنا جاي من بورسعيد عندي مشروع، عمرو دياب ممكن يفضل قاعد طول الوقت شغال، ولما يحط إيده فى حاجة بتطلع رائعة".
وعلّق أديب: "مبقعدش خالص، يقعد بقى شوية في البيت" فردت: "قول ما شاء الله"، فيما رد مازحًا: "ما شاء الله إيه، هو فيه حاجة بتحوق فيه".
