إشترك
"روشتة" فريدة سيف النصر لعلاج كورونا: "الكل بيفتي قلت أفتي أنا كمان"
فريدة سيف النصر
منذ الإعلان عن انتشار عدوى فيروس كورونا في العالم وحالة من الجدل في الأوساط المختلفة، وتعامل مع الموضوع عدد كبير من الفنانين بشكل كوميدي منهم الفنانة فريدة سيف النصر التي قدمت لمتابعيها عبر حسابها على "فيسبوك" بوصفات طبيعية لعلاج الفيروس.
وكتبت سيف النصر: "كله بيفتي قولت أفتي أنا كمان، بس فتيت بعد ماقريت كتير والله خشوا عالطب النبوي (ص ع) وحبيبنا ربنا مش بيخليه ياكل أي حاجة كدة وخلاص، طيب ولا أجدع ميكروب فيرس جرثومة أي نوع يعيش في الخل.. وكان سيدنا النبي بيحبه خير إدام له صلى الله عليه وسلم".
وتابعت: "والليمون، سماه بونابرت بنزهير يعني قاتل الميكروبات لما أنقذ جيشه من الوباء وبعت زرعه بره طلع مجعلص كده جميل بس مش زي بتاع أرضنا ولا قوته، البصل والثوم مطهرين للأمعاء والدم وفيهم زيوت طيارة تخنق أي كائن حي حتى كلوهم صاحيين وافتحوا بوءكم في وش اللي مزهقكم هايغمن عليه.. وماتنسوش ربنا بنفسه قال اهبطوا مصر كلوا من فومها وعدسها وبصلها وثومها البلدي هه وغيره من خيرات الأرض دي غيرنا مابياكلهاش بطريقتنا".
وأضافت: "الفلفل الأخضر قرنقوطي الحرراق يبهدلك ويبهدل أي حاجة تعدي من أول شفايفك لحد لامؤاخذة ما يخرج الأعداء المهاجمين جثث أقوللكم، قوموا اتوكلوا على الله اضرب لك طبق فول بالثوم صاحي موصي عليه ربنا.. وطبق سلاطة بلدي خل وليمون وبصل وفلفل والخضرة اللي تعجبك".
واستطردت: "توكل على الله أقعد لوحدك علشان صحابك مايطفشوش أو خليهم ياكلوا زيك وأنتي أكلي جوزك زيك بدل ما تتطلقي يا ضنايا وبكره تعرفوا قيمة الفتي بتاعي لما يكتشفوا اختراعي.. إيه الكذب ده يا فرفر دي أكلة من التراث من قبل جدودك..اللهم إني بلغت".
مقالات ذات صلة
الأكثر قراءة
المجلة الالكترونية
العدد 1077 | آب 2024
