طليقة خالد عليش ترد على منتقديها وتفضحه بأسرار جديدة

07 آذار 2020 | القاهرة (لها)

خالد عليش وطليقته ميما الشامي

بعد أن أثارت الجدل بمنشورها الذي تحدثت فيه عن طليقها المذيع والممثل خالد عليش، متهمة إياه بأنه يتقاضى راتباً كبيراً يصل إلى 75 ألف جنيه شهرياً؛ غير نسبته من الإعلانات التي تأتي لبرنامجه، ولا يتكفل بنفقات ابنهما أو تكاليف دارسته، عادت الفنانة الشابة ميما الشامي ونشرت منشوراً جديداً لها عبر حسابها الشخصي على "فيسبوك"، علقت من خلاله على أزمة منشورها الذي فضحت فيه طليقها، لترد على الهجوم الذي واجهته بسببه، وتكشف فيه أسراراً جديدة عنه.

وكتبت ميما الشامي، في منشورها: "للناس اللي مغالطاني إني نشرت حياتي الشخصية وإن كان مفروض أسكت ودي أسرار بينا .. صدقوني أنا مش مبسوطة خالص إن عملت كدة.. في حد كان أهم حد في حياتي .. للأسف ضاقت بيا كل السبل ومليش غير الدعاء إن ربنا يهديه ويفوق.. مش هقولكو على كسرة القلب والوجع اللي معتقدش هيروح في يوم من الأيام.. ولا هقولكو على صدمتي في أعز الناس. اللي كان أغلى من روحي.. ولا هقولكو إحساس إني عريانة وسط الناس".

وأضافت: "أنا امي وحياة تعبها ما كانت تعرف حتى هو بيقبض كام، ولا حتى بعد ما هو غلط في أمي اللي عمرها ماقالتلو كلمة تضايقه.. ولا هقولكو على كسرة قلب أمي عليّا وعلى بنتي وإحنا كلنا مش فاهمين إيه غلطتي أنا عملت إيه لكل ده ؟!!! .. هقولكو بس بلاش تحكموا عليّا إني فضحت راجل كان أغلى من نفسي وكان عندي استعداد أضحي بكل حاجة عشانه.. مش طالبة تعذروني أو تشوفوني صح.. أنا بس هقولكو والله العظيم ان اللي قولته ده مش أسرار أنا عندي أسرار كتير وتفاصيل أكتر بس اخترت أقول أقل الحاجات ضرر.. الحاجات اللي هو حكاها واللي قالها بس من وجهة نظره".

وتابعت: "ممكن أكون غلطت في اختيار بعض الأمور ممكن أكون غلطت إن قلت مرتبه كام ( بس أنا مقلتش أي مبلغ أعرفه قبل الانفصال) ده مرتبه اللي خباه عليّا بكل الطرق بس عرفته الحمد لله (يعني مكنش سر بينا) بس تمام يمكن غلطت بس أنا مش عاملة خطة يعني ومقولتش فلوس كتير أنا عرفاها لما كنت معاه.. ولا حاجات هو شاريها اللي قلته اللي عرفته بعد الانفصال".

واختتمت: "أنا فضفضت لأني تعبت وتعبت من كل الناس اللي بتكلمني تحكيلي وإن أنا اللي افتريت وسبته وإن هو متبهدل ده غير سمعتي اللي مسلمتش منه ولا من الناس.. شكرا لكل الناس اللي شيفاني غلط وأتمنى من الله متتحطوش في موقفي لأن الله أعلم كان ردكم هيكون إيه".