قررت اللجوء للقضاء.. طليقة شقيق ياسمين عبد العزيز تفضحهما

05 آذار 2020 | القاهرة (لها)

شنّت مي أبو ربيعة هجوماً حاداً على ياسمين عبد العزيز وشقيقها، معلنة أنها كانت زوجة شقيق ياسمين وائل عبد العزيز، ووالدة ابنه الوحيد الذي يرفض الإنفاق عليه .

وكتبت مي من خلال حسابها على "فيسبوك" :"انا طليقه وائل عبد العزيز اخو ياسمين عبد العزيز ....اولا وائل مش بيصرف علي ابنه من يوم ما اتولد وانا انفصلت منه وابني عنده ٥ شهور ولحد دلوقتي ولا بيصرف عليه ولا حد من اهله بيصرف على ابني غيري ".

وأضافت :"ابني عنده دلوقتي ١١ سنه .مؤخرا بس من ٣سنين ياسمين قالتلي انا متكفلة بمصاريف الدراسة دفعت سنتين ومش المصاريف كاملة كمان ...وبعد كده قالتلي انا ظروفي ماتسمحش ادفع مصاريف تاني ...قلتلها انتي اللي عرضتي تدفعي قالتلي ورجعت في كلامي في مشكله ده الموضوع باختصار.. وياريت محدش يجيب سيرة ابني لو سمحتوا ..وحقي وحق ابني هاخده بالقانون".

وكان وائل عبد العزيز أثار جدلاً كبيراً بهجومه على شقيقته وفضحه لعلاقتها بالممثل أحمد العوضي، وكتب من خلال حسابه على فيسبوك :"بصي يا ياسمين يا عبدالعزيز يا أختي.. أنا معاكي وفي ضهرك من وانتي صغيرة، شيلت مشاكل كتيًر بسببك، من وانتي عيلة صغيرة، بداية من مشاكلك مع الشاعر، وبرادة وانتي عارفة، إن أنا اتاذيت فيها إزاي، وقضية الشغالات مؤخرًا، غير قضية الضرب اللي كانت بينك وبين بنت هشام سليم الممثلة اللي لبستيها التورتة في وشها".

واستكمل حديثه قائلًا : "وقفت جمبك بكل ما أملك من قوة أدافع عنك في كل موقف صعب مر عليكي، ونسيت حياتي، ونفسي عشانك وبقي كل همي أنا ووالدتك، إنك تكبري وتبقي نجمة في مجالك، سيبنالك اختياراتك كلها لنفسك، ووفقنالك على معظم قراراتك، وكنت الوحيد اللي ساندتك، ووقفت جنبك في طلاقك".

وأضاف: "لكن هنهرتل وتروحي تعرفي واحد أصغر منك بـ10 سنين، وتتصوري صور مالهاش اَي لازمة على حساب سمعتك وسمعتنا، لا ومحدش هيسمح، من امتى واحنا بنعمل أعياد ميلاد، وتنزل على السوشيال ميديا.. من امتى الناس بتجيب في سيرتنا؟ ونقعد نتعاكس على السوشيال ميديا، ومع ذلك حياتك وانتي حرة فيها".

وتابع: "أنا هتكلم على الشق اللي يخصني.. انتي مقاطعة كل العيلة عشان تعملي اللي على مزاجك.. احنا دلوقتي عايزين نفهم العلاقة دي ايه ورايحة على فين".

واختتم كلامه: "أما بالنسبة للأخ اللي ماشي وراكي في كل حتة، وشايفك البيضة الدهب اللي هتفقسله كل يوم، أحب أقولك يا راجل لما تيجي تدخل بيت، تدخله من بابه يا راجل! وتقعد مع رجالة البيت!.. دي الأصول وده الاحترام".