بعد إحراجها بمنشور عنيف.. هجوم على شقيق ياسمين عبد العزيز يجبره على هذا القرار

04 آذار 2020 | القاهرة (لها)

ياسمين عبد العزيز مع شقيقها وائل

انتقادات شديدة وهجوم عنيف شنه الفنان وائل عبد العزيز، على شقيقته الفنانة ياسمين عبد العزيز، بسبب ارتباطها بالفنان أحمد ‏العوضي.‏

ونشر عبد العزيز عبر صفحته على "فيسبوك" منشوراً طويلاً هاجمها فيه قائلا: "بصي يا ياسمين عبد العزيز يا أختي، أنا معاكي وفي ضهرك من وأنتي صغيرة ‏شيلت مشاكل كتير بسببك من وأنتي عيلة صغيرة بداية من مشاكلك مع الشاعر وبرادة وأنتي عارفة إن أنا اتأذيت فيها إزاي وقضية ‏الشغالات مؤخرا غير قضية الضرب الي كانت بينك وبين بنت هشام سليم الممثل اللي لبستيها التورتة في وشها".‏

تابع: "ووقفت جنبك بكل ما أملك من قوة أدافع عنك في كل موقف صعب مر عليكي، ونسيت حياتي ونفسي عشانك وبقي كل همي أنا ‏‏"ووالدتك" إنك تكبري وتبقي نجمة في مجالك، سيبنالك اختياراتك كلها لنفسك ووافقنا لك على معظم قراراتك، وكنت الوحيد اللي ‏ساندتك ووقفت جنبك في طلاقك".‏

وأضاف: "لكن هنهرتل وتروحي تعرفي واحد أصغر منك بـ10 سنين لا من سنك، وتتصوري صور مالهاش أي ‏لازمة على حساب سمعتك وسمعتنا لا؛ ومحدش هيسمح، من إمتى واحنا بنعمل أعياد ميلاد وتنزل على السوشيال ميديا، من إمتى ‏الناس بتجيب في سيرتنا!؟ ونقعد نتعاكس على السوشيال ميديا".‏

وتابع: "ومع ذلك حياتك وأنتي حرة فيها، أنا هتكلم على الشق اللي يخصني، أنتي مقاطعة كل العيلة عشان تعملي اللي على مزاجك .. ‏إحنا دلوقتي عايزين نفهم العلاقة دي إيه ورايحة على فين".‏

مضيفاً: "أما بالنسبة للأخ الي ماشي وراكي في كل حتة وشايفك البيضة الدهب اللي هتفقسله كل يوم أحب ‏أقولك يا راجل لما تيجي تدخل بيت تدخله من بابه يا راجل!! وتقعد مع رجالة البيت!!.. دي الأصول وده الاحترام.. وطبعاً لأنك ‏عارف إنك مرفوض رفضاً باتاً فعمرك ما هتعمل ده ومعندكش غير طريق الشمال اللي أنت سالكه من سنين مع بنات الناس".‏

واختتم كلامه قائلاً: "أنا من رأيي كفاية عليك البطولة الي أخدتها والعربية المرسيدس الهدية.. وتركز في شغلك وتسيبنا في حالنا ‏لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".‏

وقوبل موقف شقيق ياسمين بهجوم شديد من جمهور وزملاء الفنانة مما دعاه إلى غلق حسابه على "فيسبوك"، حيث كتب الفنان محمد محمود عبد العزيز على حسابه الخاص بـ"إنستغرام" قائلاً: "ألف خسارة على الرجولة أما الأخ يتكلم عن أخته كده.. ياسمين بـ1000 راجل".