هجوم ناري من عمرو مصطفى: عمرو دياب خط أحمر

24 شباط 2020 | القاهرة (لها)

عمرو مصطفى (1)

أثارت التصريحات التي أدلى بها محمد رمضان في حواره على التليفزيون المصري، غض الكثيرين في الوسط الغنائي بعدما ألمح رمضان إلى وجود مؤامرة ضده من مطرب كبير في أزمته مع الطيار الموقوف، مما دفع عدداً كبيراً من الفنانين إلى الهجوم على محمد رمضان.

الملحن والمطرب عمرو مصطفى انفعل ضد تصريحات رمضان وقرر أن يرد عليه، حيث نشر على حسابه بـ"فيسبوك" صورة لتعليق الشاعر تامر حسين على نفس التصريحات، وعلق عليها بقوله: "أعتقد إن رد تامر بسيط بالنسبة لو أنا رديت، تقول (نمبر وان) على الممثلين الساكتين عن التجاوزات بتعتك ماشي ملناش دعوة، لكن عند الغناء والموسيقى بلاش علشان هتزعل، الموسيقى والغناء وعمرو دياب تحديدًا (خط أحمر)، وهو أنت بتمتهن مهنة أو ليك فيها عشان أي حد في المهنة يغير منك ويحاربك، يا ابني أنت ماتعرفش السلم الموسيقي من سلم بيتك".

وكان الشاعر تامر حسين قد علق على تصريحات رمضان بعدما اتهم محامي الفنان عمرو دياب بأنه وراء حملة الطيار أشرف أبو اليسر ضده.

وكتب حسين عبر حسابه على "فيسبوك": "الحقيقة مش عارف إحنا بقينا نستحل نتهم الناس بالباطل إزاى؟، وهل يُعقل راجل مُتربع على قمة الغناء 30 سنة ومطرب وبيغنى ويسلطن ومواكب ومتطور وشايل صناعة بحالها على كتافه ومشرف مصر بقاله سنين بسيرته وأعماله ونجاحاته وقدوة بجد للشباب ومختلف الأجيال والأعمار ومطرب كبير، مش بيقول (راب) ولا دخيل على الشُغلانة، حايفكر يمنع ممثل أو مؤدى من الغُنا أو حايحاربك مثلاً... ياجماعة اتقوا الله واعقلوا اللى بيتقال الناس مش حاتتعاطف مع الهرى ده الناس بتشمئز من الكلام اللى مفيهوش ريحة المنطق ... وربنا يهدي".

وأكمل، آدى رد محامي المطرب عمرو دياب على الاتهام الباطل، ياريت يا أستاذ يللي بتتهم الناس بالباطل نحافظ على رموزنا الحقيقيين والمؤثرين بالإيجاب ونجومنا الكبار اللي فاضلين لنا عشان لما تبقى حضرتك ناجح 30 سنة على التوالى نتشرف بيك وبإنجازاتك وبسيرتك ونقف ضد اللي يمسك بكلمة... الكبير له مقامه واحترامه وتقديره ... وياريت ننجح بشرف".