بالفيديو - طالبة جامعية تثير ضجة بوصفها للشعب المصري بالجهل والتخلف

بعد إثارتها الكثير من الجدل بسبب تغريدتها على تويتر والتي أطلق عليها "تغريدة الجامعة الخاصة"، وهاجمت فيها طلاب الجامعات العامة والحكومية، والتي قالت فيها: "أنا باحمد ربنا إني دخلت جامعة خاصة، تقريبًا كل اللي فيها نفس الطبقة ونفس الفكر مع اختلافات بسيطة ممكن التعايش معها، مش عارفة لو دخلت جامعة عادية واتعاملت مع معظم طبقات الشعب الجاهل المتخلف ده كان ممكن يجيلي إيه، ولو دي نرجسية أنا نرجسية عادي جدًّا"، وهو ما جعلها تواجه سيلاً من الهجوم ضدها.

نشرت الطالبة الجامعية هديل أنور، تغريدة أخرى تعتذر فيها عن تغريدتها الأولى، قائلة: "أنا بعتذر لو كلامي أهان أي حد أنا أقصد بعض الناس اللي عندها سلوكيات وأخلاق محتاجة تتعدل، وبكرر تاني أنا أسأت التعبير في التويته القديمة، وأنا بحمد ربنا إني دخلت جامعتي اللى مافيهاش سوء أخلاق والسلوكيات الموجودة في جامعات تانية كتير، ومش عارفة لو قابلت سوء الأخلاق ده كان ممكن يحصلى إيه".

وواصلت: "بعد كل اللي حصل ده إنتوا مش شايفين إن في مشكله فعلاً؟ مش شايفين إن في أزمة أخلاق متفشية في كل مكان في الشارع والمدارس والجامعات ومحتاجة إننا نواجهها؟ أنا مسحت التويتة لأن بدأ يتم استغلالها بطريقة غلط وفي سكك أنا مش حاباها وناس كتير بتحاول تكسب تعاطفكوا عن طريق مهاجمتى".

وفي مداخلة هاتفية مع الإعلامي عمرو أديب، ببرنامج "الحكاية" المذاع عبر فضائية "MBC مصر"، قالت هديل إنه تم التعامل مع التغريدة بسطحية، مضيفة: "لديَّ شقيقان بجامعات حكومية، ويرفضان بعض السلوكيات الموجودة في الجامعات العامة"، منوهةً بأنها لا تقصد طلاب الجامعات الحكومية.

فيما قال عمرو أديب تعليقاً على شكواها من رد الناس بأسلوب غير لائق على التويتة: "الناس اتنمرت عليكي لأنك اتنمرتي الأول عليهم بالتويتة.. أنا لو منك الصراحة أمسحها طول ماهي عاملة مشكلة".

وواصلت هدير: "يمكن أكون أسأت التعبير، بس أنا مامسحتش كلامي عشان ماقولتش حاجة غلط، ووضحت كلامي في الرد"، ليرد أديب: "التويتة دي فيها تنمر بالناس، أنت اللي بدأتِ وجرحتيهم الأول، وكلامك فيه تعميم، والناس مش بتشوف الرد".

مقالات ذات صلة

تريند "مكياج الغزالة" يشغل نجمات السوشيال ميديا

بالفيديو - نجوم لبنان يواجهون الحرب بالغناء واللعب والأمل

قضية تويتر تراند سوشيال ميديا