رامي جمال يكشف للمرة الأولى عن مرضه النادر: "الناس بتخاف تسلم عليّ!"

كشف الفنان رامي جمال لأول مرة عن حالته الصحية، والتي يعاني منها منذ حوالي عام، حيث نشر عبر حسابه الخاص على فايسبوك، إيضاحًا حول حالته الصحية قائلا: "الحمد لله الذي أحبني ‏فابتلاني، وأقدرني على الصبر، من فترة ظهرت بقع بيضا في جسمي وبالكشف عرفت إنه البهاق، وجربت ‏أنواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية ‏شغلانتي وصعوبتها والقلق الدائم من المستقبل".‏

وتابع: "وفعلاً بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم ‏واللي يسألني:" هو ده معدي"، أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها ‏لدرجة خلت ناس تقول لي شوف بيزنس تاني أعمله علشان الناس مش هتقبلك كده".‏

View this post on Instagram

A post shared by Ramy Gamal (@ramygamalmusic) on Nov 10, 2019 at 1:07pm PST

أضاف: "فكرت في كلامهم بصراحة ولقيت إن عندي حلين يا فعلا شكراً لحد كده على الشغلانة ‏دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه ‏من نظرة إن شكله غريب، الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت ‏عليكم بس قولت أشرككم في حياة فنان"‏.

يشار إلى أن جمال أعلن مؤخرا عن تعاونه مع الفنانة اللبنانية إليسا في ألبومها الغنائي الجديد، الذي ‏تستعد لطرحه ‏قريباً، ‏وكتب عبر حسابه على تويتر ‎تغريدة قال فيها: "أنا عاوز أحرق مفاجأة ‏على الماشي، أنا ‏عامل لإليسا غنوه كلامي ولحني"‎‎.‎

مقالات ذات صلة

عمرو سعد يتحدّى: لا أحد يمكنه تقديم أدواري

مي عمر تكشف سبب غيابها عن مواقع التواصل الاجتماعي

رامي جمال مشاهير الفن صحة المشاهير مرض البهاق