بعد الهجوم عليها بسبب كلامها.. أسما شريف منير تعتذر وتوضح المقصود

جدل كبير أثير خلال الساعات القليلة الماضية، على مواقع التواصل الاجتماعي، بسبب الانتقادات التي وجهت للإعلامية أسما شريف منير، بعد تصريحاتها التي اعتبرها البعض مسيئة للشيخ الراحل محمد متولي الشعراوي.

حيث انتقدت أسما ما يقدمه أغلب الشيوخ والدعاة حالياً، بسبب تشدد بعضهم أو نفاقهم أو حتى خلطهم للدين بالسياسة.

وسألت أسما جمهورها عبر حسابها على فايسبوك، إذا ما كانوا يعرفون شيخاً معتدلاً محترماً يمكنها متابعته وسماع مواعظه، كاتبة: "صباح الخير عايزة آخد رأيكم في حاجة، بقالي كتير مش عندي ثقة في أغلب الشيوخ، كتير منهم مدعين ويا متشددين أوي يا خلطين الدين بالسياسة، نفسي اسمع حد معتدل محترم معلوماته مش مغلوطة، لسه في حد كده؟".

وجه بعض المتابعين نصائحهم لأسما بمتابعة دروس الشيخ الراحل محمد متولي الشعراوي وتفسيره للقرآن، لترد كاتبة: "طول عمري كنت بسمعه زمان مع جدي الله يرحمه ومكنتش فاهمة كل حاجة، لما كبرت شفت كام فيديو مصدقتش نفسي من كتر التطرف، كلام فعلاً عقلي ما عرفتش استوعبه.. حقيقي استغربت".

وتعرضت اسماء لهجوم من متابعيها بعد نشرها البوست من خلال التعليقات وهو ما دفعها لحذف البوست».

وكتبت أسما منشورًا مطولًا آخر عبر حسابها الرسمي على فايسبوك، قدمت من خلاله اعتذارًا وأكدت أنها لم تقصد تقييم الشعراوي، أو الإساءة إليه.

وقالت في منشورها: "حصل بينى وبين شخص حوار أسأت فيه التعبير عن اللي عايزه أقوله وحساه، اتفهم كلامي علي إني أنتقد فضيلة الشيخ متولي الشعراوى أنا بتكلم من غير ما بحسب كلامي وأنا مقصدش بأي حال من الأحوال إني أغلط أو يوصل كلامي بشكل غلط كده، انا مش بقيم فضيلة الإمام، أنا عموما عمري ما أحب أغلط في حد".

وتابعت: "انا باعتذر جداً جداً عشان لم أستطع أن أحسن التعبير واختيار الكلمات الصحيحة وده يمكن عشان لسه بتعلم وده عن عدم إدراك أنا لسه بتكلم على طبيعتي زي أول يوم قررت إني أظهر علي السوشيال ميديا، بس دلوقتي لازم آخد بالي من كل كلمه بقولها عشان كل حاجه بتتحسب عليا وده جديد عليا".

وأضافت: "كل ما في الموضوع إني كنت بدور عن مرجع دينى ودروس دينية عشان أفهم بشكل مبسط وعشان أفهمه كنت محتاجة حاجة تناسب استيعابي، والشيخ الشعراوي أعمق من قدراتي لأني في حاجات فعلًا مفهمتهاش".

واختتمت: "انا مبتدئة بحاول أتعلم وأقرب اكتر من ربنا، وعموما انا بعتذر فعلا عن زلة لساني وكلمتي.. حقيقي إني أكن للشيخ الشعراوي كل احترام وتقدير رحمه الله وجزاه كل خير.. وربنا عالم نيتي إيه".

ونشرت أسما، منشوراً آخر قالت من خلاله: «مش ممكن محدش ينفع يقول كلمة من غير هجوم هو في إيه؟ .. إيه التنمر والتعصب والبشاعة دي".

مقالات ذات صلة

عمرو سعد يتحدّى: لا أحد يمكنه تقديم أدواري

مي عمر تكشف سبب غيابها عن مواقع التواصل الاجتماعي

الشيخ الشعراوي أسما شريف منير مشاهير الفن أبناء المشاهير