تطور جديد في خلاف هاني شاكر وحمو بيكا.. من إعتذر ؟

شهد خلاف هاني شاكر مع المطرب الشعبي حمو بيكا تطوراً جديداً، إذ نشر الأخير من خلال صفحته على موقع "فيسبوك" مقطع فيديو تقدم من خلاله بإعتذار رسمي للنقابة، وكشف عن الأسباب التي جعلته يفقد اعصابه ويهدد بالقيام بثورة ضد هاني شاكر.

وقال: "أنا بعتذر يا أستاذ هانى شاكر أنت أمير الغناء العربي، وأنا مكنش قصدى إنى أزعلك، كان كل هدفى إنى أكل عيش، أنا معايا 20 فردا بياكلوا عيش، ناس فاتحة بيوت وبتصرف على عائلاتها، أنا اللى خلانى اضايقت وأنزل الفيديو أنى لفيت 8 ساعات، وشغلى كله كان واقف".

وتابع: "وأنا إللى كنت عايز أعمله أنى امشى قانونى واعمل تصريح وانزل اشتغل ومكنش قصدى أنى أزعلك".

وأضاف: "أنا بحبك وإحنا عيالك يا أستاذ هانى، أنا كان كل هدفى إنى صوتى يوصلك، وقدام الناس كلها بقولك أنا آسف ليك، ولو عايزنى أجيلك أو اطلع على الهواء اتأسفلك هطلع، أنا بقالى 6 أشهر واقف عن العمل، والناس اللى معايا مقدرش امشيهم، إحنا نروح فين دى بلدنا وإحنا اخترنا فن الناس بتحبه وبتفرح بيه عمرنا ماضايقنا حد، وقدمنا محتوى تانى وبقينا ناخد بالنا من الكلام، وبقيت بنقى الكلام الصح".

واستكمل حديثه قائلًا: "في شباب نفسها أنها تتجوز وتكون نفسها، كان يهمنا إننا نشتغل بالحلال، وأنا تعبت وكافحت، ابويا ربانى وطلعنى إنى مقولش لحد عايز حاجه، وبنيت المكان اللى بقيت فيه بعد سنين كتيرة".

واختتم حديثه: "كان حلمى إنى أعمل حاجة والحمد لله حققت نسبة نجاح كبيرة، وبقى ليا أطفال وشباب وبنات كتيرة بتحبني".

مقالات ذات صلة

هاني شاكر يكشف عن أمنيته التي لم تتحقق

هاني شاكر يفاجئ جمهوره في حفل "الموسيقى العربية"

هاني شاكر حمو بيكا