بالفيديو - نشوى مصطفى ترد بقسوة على الشامتين بها.. وهذا ما كشفته عن زوجها!

منذ أيام نشرت الفنانة نشوى مصطفى منشوراً قالت فيه إنها تريد التثيل لأنها تشعر بأنها طاقة معطلة، إلا أن تصريحاتها قوبلت من عدد كبير من الجمهور بنوع من السخرية وأحيانا الشماتة، مؤكدين أنها راحت عليها ومن الأفضل أن تعتزل وتمكث في منزلها.

ونشرت نشوى عبر حسابها على فايسبوك تعليقاً توضح فيه أسباب كتابتها عن عدم ممارسة مهنتها كممثلة وتوجيه رسالة إلى الفنان أشرف زكي، قالت فيه: "دكتور أشرف زكى مش مجرد رئيس أكاديمية الفنون ولا مجرد نقيب ممثلين- أشرف أخويا- أخويا اللي يوم ما أبويا مات لقيتنى بامسك التليفون وباتصل بيه أول واحد قبل ما أتصل بأهلي، يمكن بنقعد بالشهور ما نتكلمش، بس في الشدة أشرف سند، حتى وهو بيعاتبنى وبيقول لي حيفضل عيبك الوحيد من يوم ماعرفتك من تلاتين سنة إنك بتتصرفي بإحساسك من غير ماتفكري، أوعدك يا أشرف إنى حاحاول ما أتصرفش أي تصرف غير لما أعديه على عقلي قبل إحساسي، بس ما أوعدكش إنى حاعرف".

وردت نشوى على الشامتين والحاقدين عليها، بعد كتابتها لهذا التعليق قائلة: "من يومين كتبت بوست والحقيقة كالعادة الفترة اللي فاتت بقيت أى حاجة بكتبها بيكون رد الفعل تجاهها أكبر من توقعاتي بمراحل، البوست كان ملخصه إنى عايزة أمثل، والحقيقة أي فنان زميل حيفهم معنى إن طاقتك وموهبتك متعطلة إنك تكون مركون على المعاش وأنت لسة عندك طاقة، بدليل إن العظيمة أمينة رزق كانت بتمثل لآخر يوم في عمرها اللي تجاوز التسعين سنة، وإنها قدام الكاميرا كانت بتتحول لطاقة فنانة فى التلاتين".

وأضافت: "المهم إنه اتفهم من البوست إنى لاسمح الله محتاجة أمثل علشان محتاجة فلوس مثلًا، وده عرفته من كم التليفونات اللي تلقيتها أو من كم الناس السفلة الشمتانين الكارهين واللي بيكرهوا أي حد بيقول تحيا مصر، وأحب أوضح لكل الناس محبين أو كارهين أني من فضل الله سبحانه وتعالى مستورة جدًا وإنى متزوجة من راجل بيعولني ومن فضل الله زوجى عنده بزنس ساترني وساتر بيتي وولادى اللي بفضل الله اتعلموا جوه مصر وسافروا كملوا دراستهم فى أمريكا وألمانيا، وبفضل الله وبكرمه ونعمته واجتهاد زوجي الحمد لله مستورة، وأن زوجي معاه جنسية أمريكية وأنه من الممكن أنه ننتقل للعيشة في أمريكا ودخلنا من شغله يكون أعلى بس إحنا زي السمك مانقدرش نسيب مصر.

وأنهت كلامها قائلة: "اعتذر لكل القنوات العربية والمصرية اللي كلموني علشان يستضيفوني علشان نتكلم في البوست، وباشكر إخواتي وأصدقائي المنتجين في الكويت وفي الإمارات على عروضهم الطيبة وفعلا الفنان فنه مالهوش حدود تقاس بالكيلومترات.. أنا بحبكم".

مقالات ذات صلة

خاص لها - إلهام شاهين تكشف سر خسارة وزنها ووجود قصة حبّ في حياتها

خاص لها - رانيا فريد شوقي تكشف سبب ابتعادها عن السينما

نشوى مصطفى مشاهير الفن نجوم مصر