بالصور - شبيه عبد الحليم حافظ يرد على الساخرين من شكله برسالة قاسية

تعرض الفنان شادي شامل، والذي اشتهر بالشبه الكبير بينه وبين النجم الراحل عبد الحليم حافظ، لهجوم حاد خلال الأيام الماضية من بعض رواد مواقع التواصل الاجتماعي بسبب شعره الطويل، الأمر الذي أصابه بغضب شديد دفعه للرد برسالة قاسية.

ونشر الشاب عبر حسابه على فايسبوك صورة تجمع عدد من النجوم الأجانب أصحاب الشعر الطويل وعلق عليها بالقول: "الناس المعقدة والمريضة اللي عماله تشير صورتي وانا شعري طويل وعاملين يقلوا في أدبهم ويستخفوا دمهم .. انا اكتر حاجه بكرها في حياتي هي قله الادب".

وأضاف: "انا لو بواب العمارة اكبر مني في السن بقولوا حضرتك وبحترمه والدي علمني كلمة حضرتك دي مهمه اني اقولها مع الناس عشان يكون في احترام و امي علمتني ان ما سمحش حد يتطاول عليا و أسكت".

وتابع "المهم لما تيجي تخش على بروفايل بتاع الناس المريضة دي بتلاقيهم شكلهم غريب واللي بيئه واللي من تحت بير السلم أنا مش بتريق لا سمح الله والله بس الموضوع بقى في سفاله وقله ادب وبدون داعي".

وأكمل تعليقه "اللي هيقولي اصل احنا في مجتمع شرقي والكلام البطيخ ده هقولو انت من اول أكلك ولبسك وشربك كله مستورد، انا مش باخد العادات والتقاليد الخطأ اللي في البلاد الأجنبية واسوق ليها ساعتها يبقى ليك الحق تقول عاداتنا الشرقيه، بلاش تخش معايا في الحته دي عشان هفحمك بالادب والذوق وبالدليل.. وبعدين انا راجل معظم وقتي عايش بره ممكن أكون غصب عني اتاثرت بطريقه اللبس والاستايل ودي حاجه ما تعبنيش" .

وإختتم كلامه: "ممكن تقول رأيك بكل ادب واحترام.. فعلا ما بقاش في تربيه ولا رقي ولا ثقافه للاسف ما تلاقيش الكلام ده غير في مصر ...يا خسارة بحد يا خسارة ..عيب عيب ده انا ابن بلدكم بزعل والله لما بلاقي تقدير في دول اوربا و قله من اولاد بلدي يتطاولوا كده".

يذكر أن شادي شامل قبل تغيير شكله كان شديد الشبه بعبد الحليم حافظ، الأمر الذي رشحه لأداء دوره في مسلسل "العندليب" والذي عرض قبل عدة سنوات.

مقالات ذات صلة

أمير طعيمة يسجن أم أولاده!

مفاجأة كبيرة في قضية سرقة شقة زوجة خالد يوسف

عبد الحليم حافظ الفنان شادي شامل شبيه عبد الحليم حافظ مشاهير الفن نجوم مصر