ماذا قال تامر حسني للاعب النادي الأهلي المصاب وماذا طلب من جمهوره؟

في لفتة إنسانية، وجه النجم تامر حسني رسالة مؤثرة للاعب كرة القدم مؤمن زكريا، عبر حسابه الرسمي في موقع "فيسبوك".

وعلق تامر على الفيديو، الذي ظهر من خلاله مؤمن زكريا أثناء حديث تلفزيوني له ليتحدث عن إصابته، قائلاً: "مؤمن زكريا لا تربطني بيه أي صداقة شخصية، يربطني بيه فقط الإنسانية وأنه ابن بلدي، وشفت الفيديو دا زي كل الناس، هو من أهم لاعبي مصر في كرة القدم اتعرض لضغوط وحروب نفسية، والدته مستحملتش الكلام السلبي المحبط اللي بيكسر في ابنها قدام عنيها، تعبت ودخلت المستشفى وعملت عملية وهو اتصاب بحالة نفسية مرضية كبيرة أثرت على المخ وطريقة نطقه للكلام والله أعلم أثرت عليه تاني في إيه".

وأضاف: "أكيد متوسم خير في النادي الأهلي ومن جماهير مصر العظيمة سواء من الأهلي أو الزمالك إنهم مش هيسيبوه وهيقفوا جنبه؛ ولو بالكلمة الطيبة التشجيعية لحد مايرجع بكامل صحته ويفرح قلب والدته عليه من تاني، جمهورنا المصري العظيم وقت الجد قلب واحد مليان رحمة بيعدي وبيسامح رغم أي اختلاف، لما بنرحم الناس ربنا بيبعتلنا ناس ترحمنا وأكيد مفيش أي جهاز في البلد يرضى يسيب الراجل دا كدا ربنا يشفيك يا كابتن مصر وترجع تنور الدنيا كلها والملاعب وربنا يطمنا على والدتك وتقوم بألف سلامة أنت وست الكل".

مقالات ذات صلة

تامر حسني يواصل مفاجآته في حفلاته

بالصور - تامر حسني ومحمد منير وزينة يساندون أحمد عصام في عزاء والدته

النادي الأهلي تامر حسني مؤمن زكريا