بالصورة – نانسي عجرم تذكر الجميع بغضبها في مطار بيروت... هذا ما فعلته هذه المرة

15 آب 2019

نانسي عجرم

نشرت الفنانة اللبنانية نانسي عجرم، عبر حسابها على تطبيق "إنستغرام"، صورة التقطت لها أثناء وجودها في مطار بيروت متوجهة إلى دبي.

ولاحظ المتابعون أنها تجلس في مكان قد يكون صالون الشرف في المطار المذكور. وتذكر هؤلاء ما حدث معها في وقت سابق حين عبّرت عن انزعاجها بسبب انتظارها في صف طويل أثناء قيامها بإجراءات المغادرة.

وحينها عبرت عن غضبها من خلال حسابها على "تويتر" وكتبت: "أنا اليوم مش فنانة أنا مواطنة لبنانية بنتي عمرها 5 شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانوا حواليي، هل هالشي مسموح؟ هل مقبول يكون في هلقد اهمال بحقنا كمواطنين بمطار بلدنا؟ مسموح نكون بعدنا هلقد بعاد عن أبسط حقوق الإنسان؟".

وأضافت: "كل بلدان العالم بكون للمرأة الحامل والطفل الرضيع استثناءات. إلا عنايمكن لأن مفكريناOption؟ يا حبايب قلبي هيدي من أبسط حقوق المرأة هيدا واجبكن تجاه كل امرأة. مش كافينا ريحة الزبالة بالمطار؟ والإهمال؟".

وتابعت: "عندكن ولاد أو ما بتحسوا بولاد الناس؟ راضيين بكل أزماتنا بكل الأوضاع اللي فارضينا علينا بس لما توصل لولادنا وأطفالنالهون وبس".

وختمت: "هيدا لبنان اللي منتغنى فيه بكتب التاريخ؟ هيدا لبنان اللي بدكن تشجعوا السواح يزوروه؟ ولادنا الصغار صاروا شايفين وفاهمين بالعيوب اللي فارضينا حضراتكن علينا وانتوا ما كنتوا تحسوا! ساكتين ساكتين وبعدين؟ لوين آخدينا؟ عيب عليكن".

وعلى إثر ذلك أصدر جهاز أمن المطار بياناً جاء فيه: "ما صدر عن مرور إحدى الفنانات وانتظارها لساعات طويلة غير صحيح لأن كاميرات المراقبة رصدت الفنانة التي وصلت إلى قاعة الوصول في الساعة 23,29، وتم ختم جواز سفرها في الساعة 23,41، اذ ان انتظارها لم يتجاوز 12 دقيقة".